Дар Қасри фарҳангии ноҳияи Варзоб таҳти Раёсати раиси Кумитаи рушди маҳали назди Президенти Ҷумҳурии Тоҷикистон Ҷумъазода Шарифҷон, узви Комиссияи марказии интихобот ва раъйпурсии Ҷумҳурии Тоҷикистон Азизӣ Моҳистон Бердизода, роҳбари дастгоҳи раиси ноҳияи Варзоб Раҷабов Тавакалхон Абдуҷабборович, коршиносони Комиссияи марказии интихобот ва раъйпурсии Ҷумҳурии Тоҷикистон Исмоилов Ҷамшед, Шарифзода Фазлиддин, Муродзода Умед ва Сулаймонзода Манучеҳр, раиси Комиссияи ҳавзавии интихобот оид ба интихоботи вакилони Маҷлиси намояндагон дар ҳавзаи якмандатии интихоботии Рӯдакӣ, №9 Саидаҳмад Ҷалилов семинари омӯзишӣ доир ба интихобот баргузор гардид, ки дар рафти он раиси Кумитаи иҷроияи Ҳизби Халқии Демократии Тоҷикистон дар ноҳия, муовини якум ва муовинони раиси ноҳияи Варзоб, раис, муовин, котиб ва аъзои Комиссияи ноҳиявии интихобот оид ба интихоботи вакилон ба Маҷлиси вакилони халқ, раис, муовин, котиб ва аъзои ҳавзаю учаскаҳои ҳудуди ноҳияи Варзоб иштирок намуданд.
Маврид ба зикр аст, ки дар семинари омӯзишӣ доир ба раванди интихобот маърӯзаҳо аз ҷониби намояндагони Комиссияи марказии интихобот ва раъйпурсии Ҷумҳурии Тоҷикистон шунида шуд.
Орифҷон ОЛИМЗОДА
