Бо мақсади иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, тадбирҳои ҳамешагии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ва Нақшаи чорабиниҳои Мақомоти иҷроияи ҳокимияти давлатии ноҳияи Варзоб ба истиқболи ҷашни 35-солагии Истиқлоли давлатии Ҷумҳурии Тоҷикистон раиси ноҳияи Варзоб Дамонзода Хусрав Назаралӣ ва дигар шахсон бо сокинони Ҷамоати деҳоти ба номи С. Айнӣ мулоқот намуда, баъдан аз як қатор иншоотҳо дидан намуданд.Нахуст, зимни сӯҳбат раиси ноҳия Дамонзода Хусрав Назаралӣ ёдовар шуданд, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми қаблии худ ба Маҷлиси Олии кишвар қайд намуданд, ки «Барои заҳмати софдилона, ки аз нишондиҳандаҳо ва фаровонии бозори истеъмолӣ ба хубӣ маълум аст, ба ҳамаи кишоварзони мамлакат миннатдории самимии худро баён менамоям».
Инчунин, раиси ноҳия таъкид карданд, ки соҳаи кишоварзӣ соҳаи асосии пешбурди иқтисодиёт мебошад ва дар ҳаёти иқтисодии ҷумҳурӣ нақши аввалиндараҷаро мебозад.
Дар идома, Хусрав Дамонзода иброз доштанд, ки ба ҳамагон маълум ҳаст мо дар арафаи пешвози ҷашни 35-солагии Истиқлолияти давлатӣ қарор дорем, ки бояд дар ҳамбастагӣ баҳри рушду нумӯи кишвари азизамон Тоҷикистони биҳиштосо талош намоем ва ин ҷашни бузургу муқаддасро бо сари баланд ва ободиву рушд пешвоз гирем.
Дар баробари ин, роҳбарияти ноҳия ибрози назар карданд, ки дар доираи иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҷониби Ҳукумати кишвар ва бо дастгирии шахсони саховатпеша ва ватандӯст дар тамоми қаламрави ҷумҳурӣ садҳо километр роҳҳо бунёд гардида, дар минтақаҳои беоб мардум бо оби нӯшокии соф таъмин карда шудаанд, инчунин қариб, ки дар ҳар як деҳа ва Ҷамоат майдончаҳои варзишӣ сохта ба истифода дода шуда истодааст.
Дар ин маврид, мавсуф хотиррасон намуданд, ки ҳамагон хуб медонем, ки дар сиёсати имрӯзаи давлату Ҳукумати Ҷумҳурии Тоҷикистон соҳаҳои илму маориф нақши калидӣ ва афзалиятнок дошта, дар таҳкими пояҳои давлати демократӣ, ҳуқуқбунёду дунявӣ ва ягона, ҳамзамон рушду нумӯи кишвари биҳиштосоямон, меҳвару мақом ва манзалати хоса дорад
Дар фарҷом, зимни суҳбат раиси ноҳия Хусрав Дамонзода миннатдории самимонаи худро ба соҳибкорони маҳаллӣ барои амалисозии иқдому ташаббусҳои созанда изҳори ташаккур намуда, қайд карданд, ки сокинони ноҳия имсол дар тамоми деҳаҳо иқдомҳои шоистаро амалӣ карда, дар партави дастуру ҳидоятҳои Пешвои муаззами миллат муҳтарам Эмомалӣ Раҳмон бо ободу зебо намудани маҳалли зист, аз ҷумла мумфарш намудани кӯчаҳои деҳот намунаи ибрат гардиданд.
Дар идома, раиси ноҳияи Варзоб муҳтарам Дамонзода Хусрав Назаралӣ аз бунгоҳи тиббӣ, заминҳои кишоварзӣ, хоҷагиҳои деҳқонӣ, рафти корҳои мумфаршкунии роҳҳои ҳудуди Ҷамоат, сохтмони бинои муассисаи таълимӣ ва дигар соҳаҳо боздид ба амал оварда, ба онҳо маслиҳату тавсияҳои судманд доданд.
Орифҷон ОЛИМЗОДА
