Санаи 22-юми сентябри соли равон дар толори маҷлисгоҳи Мақомоти иҷроияи ҳокимияти давлатии ноҳияи Варзоб таҳти раёсати муовини аввали раиси ноҳияи Варзоб Раҷабзода Бобоназар Раҷаб, сарнозирони Раёсати муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Раҳмонзода Фаромарз Назришо ва Шамсиддинзода Насим Шамсиддин роҷеъ ба масъалаҳои мубрами рӯз вохӯрӣ баргузор гардид, ки дар рафти он муовинони раиси ноҳия, раиси Кумитаи иҷроияи ҲХДТ, роҳбарони раёсат, шуъба ва бахшҳои Мақомоти иҷроияи ҳокимияти давлатии ноҳияи Варзоб ва воҳидҳои сохтории он, намояндагони комиссарияти ҳарбӣ, раисони ҷамоатҳои шаҳраку деҳот, соҳаҳои маориф, тандурустиву фарҳанг, раисони кумитаҳои маҳал, ходимони дин ва дигар шахсон ширкат варзиданд.Нахуст, муовини аввали раиси ноҳия Раҷабзода Бобоназар Раҷаб меҳмононро аз номи роҳбарияти Мақомоти иҷроияи ҳокимияти давлатии ноҳияи Варзоб барои ташриф оварданашон ба ин ноҳияи зебоманзар хушомадед гуфта, миннатдорӣ изҳор намуданд.
Баъдан, Раҷабзода Бобоназар Раҷаб таъкид карданд, ки Ҷумҳурии Тоҷикистон аз рӯзҳои нахустини ба даст овардани Истиқлолияти давлатӣ ва ташаббусҳои созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қадамҳои устувори худро дар самти мубориза бо коррупсия гузошта, барои пешгирӣ аз ин вабои аср тамоми заминаҳои ташкилию ҳуқуқиро фароҳам овардааст. Бо мақсади мустаҳкам намудани сиёсати зиддикоррупсионӣ ва таҳкими асосҳои ҳуқуқӣ ва институтсионалии мубориза бо коррупсия санадҳои меъёрии ҳуқуқии дахлдор қабул ва мавриди амал қарор дода шуданд.
Дар ин замина, муовини аввали раиси ноҳия ёдовар шуданд, ки Ватанро дӯст доштан, аз он ифтихор кардан, барои ҳимояи он омода будан, ба қадри сулҳу субот, осудагиву ваҳдат ва истиқлолият расидан, шукронаи соҳибватаниву соҳибдавлатиро ба ҷо овардан аз ҷумлаи арзишҳое мебошанд, ки ҷавонони мо онро дарк карда, дастури зиндагии ҳаррӯзаи худ қарор додаанд.
Дар идома сарнозири Раёсати муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Раҳмонзода Фаромарз Назришо роҷеъ ба роҳу пешгирии коррупсия, ҳамкорӣ намудан бо мақомоти салоҳиятдори давлатӣ ҷиҳати решакан намудани ин зуҳуроти номатлуб, бетараф набудан ҳангоми вохӯрдан бо омилҳои коррупсионӣ ва дигар масъалаҳои мубрами рӯз баромад намуданд. Аз ҷумла дар баромад таъкид карданд, ки Ҷумҳурии Тоҷикистон бо бa дaст овaрдaни Истиқлолияти дaвлaтӣ вa тaшaббусҳои созaндaи Aсосгузори сулҳу вaҳдaти миллӣ – Пешвои миллaт, Президенти Ҷумҳурии Тоҷикистон муҳтaрaм Эмомaлӣ Рaҳмон қaдaмҳои устувори худро дaр сaмти муборизa бо коррупсия гузоштa, бaрои пешгирӣ aз ин вaбои aср тaмоми зaминaҳои тaшкилию ҳуқуқиро фaроҳaм овaрдaaст.
Дар баробари ин, Раҳмонзода Фаромарз Назришо қайд намуданд, ки дар воқеъ, ҳимояи марзу буми Ватан вазифаи муқаддас ва пурифтихори на танҳо хизматчиёни ҳарбӣ, балки ҳар як шахси солимфикр, бообрӯ ва нангу номуси давлатамон мебошад.
Инчунин, Фаромарз Раҳмонзода иброз доштанд, ки саҳми ҷавонон дар ҳифзи Ватан – Модар шоистаи таҳсин буда, сарбозони шуҷои он дар ҳифзи марзу бум ва садоқат ба савганди низомӣ аз уҳдаи вазифаҳои дар наздашон гузошташуда, бо сарбаландӣ мебароянд.
Дар фарҷом ёдрас менамоем, ки Мақомоти иҷроияи ҳокимияти давлатии ноҳияи Варзоб таҳти роҳбарии раиси ноҳия Дамонзода Хусрав Назаралӣ пайгирона аз сиёсати Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон фаъолияти хешро ба роҳ монда, дар ҳифзи озодиву Истиқлоли кишвари азизамон ва манфиатҳои милливу давлатӣ нерӯи созандаи худро баҳри ободиву тараққиёти Тоҷикистони азизамон равона месозад.
Орифҷон ОЛИМЗОДА
