Соҳаи кишоварзӣ соҳаи асосии пешбурди иқтисодиёт мебошад ва дар ҳаёти иқтисодии ҷумҳурӣ нақши аввалиндараҷаро мебозад.
Хотиррасон менамоем, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олии кишвар қайд намуданд, ки «Барои заҳмати софдилона, ки аз нишондиҳандаҳо ва фаровонии бозори истеъмолӣ ба хубӣ маълум аст, ба ҳамаи кишоварзони мамлакат миннатдории самимии худро баён менамоям».
Дар ин асно, санаи 12-уми феврали соли равон дар толори Мақомоти иҷроияи ҳокимияти давлатии ноҳияи Варзоб бо мақсади иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти раёсати муовини якуми раиси ноҳия Раҷабзода Бобоназар Раҷаб, директори КВД «Маркази рақамикунонӣ, инноватсия ва такмили ихтисоси кадрҳои соҳаи кишоварзӣ» Асадуллозода Изатулло ва муовини сардори Раёсати растанипарварии Вазорати кишоварзии Ҷумҳурии Тоҷикистон Лутфулои Давлат дар мавзӯи «Таъмини рушди устувори соҳаҳои мухталифи кишоварзӣ дар шароити тағйирёбии иқлим ва чорабиниҳо оид ба коҳиш додани он дар истеҳсолоти хоҷагиҳои кишоварзӣ» семинари бозомӯзӣ баргузор гардид, ки дар он олимону мутахассисони соҳаи кишоварзии ҷумҳурӣ, роҳбар ва кормандони соҳаи кишоварзии ноҳия, хоҷагиҳои деҳқонӣ ва масъулини ноҳия иштирок намуданд.
Ҳадаф аз баргузории ин семинари бозомӯзӣ истифодаи самараноку оқилонаи заминҳо, баланд бардоштани ҳосилнокии зироатҳои кишоварзӣ, маҳсулнокии чорво, ташкили фаъолияти хоҷагидории ба талаботи иқтисодӣ ҷавобгӯ ва дар ин замина мусоидат намудан дар таъмини амнияти озуқавории мамлакат арзёби мегардад.
Масъулин оид ба соҳаи кишоварзӣ суханронӣ намуда, таъкид доштанд, ки барои таъмини таҳкими минбаъдаи Ваҳдати миллӣ, иҷрои вазифаҳои нав ниҳоят заруранд, ки ҳалли самараноки ин вазифаҳо бештар аз таъмини амнияти озуқаворӣ вобастагии калон дорад, зеро он яке аз самтҳои асосии стратегияи давлат мебошад. Ин вазифа ниҳоят пурмасъулият буда, аз тамоми миллат заҳмати самаранокро талаб мекунад, зеро амнияти озуқаворӣ тавозуни озуқаи бозори дохилӣ, суботи истеҳсоли ватании маҳсулоти кишоварзӣ ва рақобатпазирии маҳсулоти ғизоии ватаниро ифода мекунад.
Дар баробари ин, масъулин ибрози андеша намуданд, ки ҳалли ин масъала рушди босуботи соҳаи кишоварзӣ вобастагии калон дорад. Маҳз барои ин Президенти кишвар муҳтарам Эмомалӣ Раҳмон дар Паёми худ ба Маҷлиси Олии Ҷумҳурии Тоҷикистон кишоварзиро яке аз бахшҳои такондиҳандаи иқтисоди Тоҷикистон ва таъминкунандаи амнияти озуқаворӣ ва аҳолӣ бо ҷои кор номиданд.
Илова бар ин, масъулин қайд намуданд, ки дар фазои Ваҳдати миллӣ замони эҳёи давлатдории миллӣ ва рушди Ватани азизамон идома дорад.
Орифҷон ОЛИМЗОДА
