Мақомоти иҷроияи ҳокимияти давлатии ноҳияи Варзоб бо ҳисси баланди ифтихори миллӣ ва ҷонибдорӣ аз сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри амалӣ гардонидани дастуру ҳидоятҳояшон ҳамаи чораҳоро меандешад ва баҳри сазовор истиқбол намудани ҷашни фархундаи миллӣ 35-солагии Истиқлоли давлатии Ҷумҳурии Тоҷикистон корҳои назаррасро ба анҷом расонида истодааст.Имрӯзҳо ҳар як шаҳрванди кишвар барои бо шукӯҳу шаҳомати хоса таҷлил намудани ҷашни 35-солагии Истиқлоли давлатӣ камари ҳиммату меҳнатро мустаҳкам бастааст, месазад, ки мо низ баҳри ободониву созандагиҳо ва бунёдкориҳо иқдомҳои наву тоза намоем.
Бояд қайд намуд, ки ноҳияи Варзоб ҳамқадами Истиқлоли давлатӣ буда, дар як муддати кутоҳ дар ҳудуди он як қатор иншооти иҷтимоию иқтисодӣ, корхонаҳои саноатӣ ва инфрасохторҳои хизматрасонӣ мавриди истифодаи сокинон қарор ёфтаанд.
Дар ин маврид, ба ифтихори ҷашни 34-солагии Истиқлоли давлатии Ҷумҳурии Тоҷикистон санаи 5-уми сентябри соли равон дар ноҳияи Варзоб иншоотҳои ҷашнӣ аз қабили толори варзишии деҳаи Яккачағуз бо андозаи 432 метри кв, мағозаҳои тиҷоратии «Чорбоғ» ва «Рамзия» воқеъ дар Ҷамоати деҳоти Чорбоғ, мумфаршкардани роҳи деҳаи Даштимирони Ҷамоати деҳоти ба номи С. Айнӣ бо масофаи 4 километр ва ҳамоми замонавӣ дар мавзеи Зоғари Ҷамоати деҳоти Варзоб-Қалъа ба истифода дода шуд, ки дар он зиёда аз 26 нафар ба кори доимӣ ҷалб гардиданд, ки дар ифтитоҳи онҳо раиси ноҳияи Варзоб Дамонзода Хусрав Назаралӣ, намояндаи Ҳукумати ҷумҳурӣ, муовини аввали директори Агентии назорати маводи нашъаовари назди Президенти Ҷумҳурии Тоҷикистон, муовини роҳбари гуруҳи корӣ бахшида ба ҷашни 35–солагии Истиқлолияти давлатӣ дар ноҳияи Варзоб Камолиддинзода Шавқат ва дигар шахсони даъватӣ иштирок намуданд.
Зимни ифтитоҳ, раиси ноҳияи Варзоб Дамонзода Хусрав Назаралӣ ёдовар шуданд, ки ин иншоотҳои ҷашнӣ аз ҷониби соҳибкорони ватанӣ якҷо бо Мақомоти иҷроияи ҳокимияти давлатии ноҳияи Варзоб дар пайравии дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тадбирҳои ҳамешагии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ҷиҳати беҳтар намудани хизматрасонии босифат ба аҳолӣ бунёд карда шудааст.
Дар баробари ин, Дамонзода Хусрав Назаралӣ қайд намуданд, ки маҳз Истиқлолияти давлат ва таваҷҷуҳи падаронаву варзишпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тадбирҳои ҳамешагии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ боиси он гардид, ки соҳаи тарбияи ҷисмонӣ ва варзиш яке аз самтҳои афзалиятноки сиёсати иҷтимоии Ҳукумати мамлакат пазируфта шуд ва тамоми санадҳои дахлдор ба хотири оммавияти варзиш, таҳкими тарзи ҳаёти солим мусоидат намудан ба омодакунии варзишгарони касбӣ ва ба ин васила муаррифи намудани давлату миллат дар арсаи байналмилалӣ роҳандози гардид.
Дар охир роҳбарияти ноҳия ба сифати корҳои сохтмонӣ ба сохтмончиён баҳои баланд дода, барои обод кардани як гӯшаи диёр изҳори сипос баён намуданд.
Баъдан, намояндаи Ҳукумати ҷумҳурӣ, муовини аввали директори Агентии назорати маводи нашъаовари назди Президенти Ҷумҳурии Тоҷикистон Камолиддинзода Шавқат таъкид намуданд, ки дар ин рӯзҳои идонаву фархунда, ки мардуми кишвар зери таассурот аз таҷлили Рӯзи Истиқлоли давлатии Ҷумҳурии Тоҷикистон қарор доранд, кушодашавии биноҳои наву замонавии таъиноташон гуногун барои бошандагони деҳа ва ҳар фарди ватандӯсти ин ноҳия, падидаи фараҳбахш ва рӯйдоди муҳим мебошад.
Илова бар ин, намояндаи Ҳукумати Ҷумҳурии Тоҷикистон ёдрас намуданд, ки мардуми бонангу номус ва ватандӯсту ватанпарасти мо барои истиқболи сазовори ҷашни муқаддасу бузурги миллиамон — Истиқлолияти давлатӣ тамоми қаламрави кишварро ба майдони бузурги заҳмати созанда ва фаъолияти бунёдгарона табдил додаанд. Ин иқдоми мазкур дар асоси дастуру супоришҳои ҳамешагии Президенти мамлакат муҳтарам Эмомалӣ Раҳмон дар самти беҳтар намудани сатҳу сифати зиндагии аҳолии деҳоти дурдасти мамлакат амалӣ гардидааст.
Сокинон низ зимни суҳбат аз дастгириҳои пайвастаи Президенти Ҷумҳурии Тоҷикистон, Пешвои маҳбуби миллат муҳтарам Эмомалӣ Раҳмон ва тадбирҳои ҳамешагии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ҷиҳати фароҳам овардани шароитҳои муосир барои варзиш, истироҳат ва машқу тамрин изҳори миннатдорӣ намуданд.
Орифҷон ОЛИМЗОДА
