Бо шарофати Истиқлоли давлатии Ҷумҳурии Тоҷикистон, пойдории сулҳу субот ва ваҳдати миллӣ, ҳамчунин, азму талоши ватандӯстонаи мардуми тоҷик зери роҳбарии Президенти Ҷумҳурии Тоҷикистон муҳтарам Эмомалӣ Раҳмон ва сиёсати хирадмандонаи ин абармарди олами сиёсат ба кулли ҷабҳаҳои ҷомеа — иқтисодиёт, сиёсат ва илму фарҳанг таваҷҷуҳи зиёд зоҳир мешавад.
Дар ин замина, ёдрас менамоем, ки субҳи санаи 1-уми сентябри соли равон аз ҷониби намояндагони Мақомоти иҷроияи ҳокимияти давлатии ноҳияи Варзоб дар муассисаҳои таҳсилоти миёнаи умумии ҳудуди ноҳия табрикоти раиси ноҳияи Варзоб муҳтарам Дамонзода Хусрав Назаралӣ ба муносибати Рӯзи дониш ва оғози Дарси сулҳ ба роҳ монда шуд.
Масъулин зимни суханронии худ иброз доштанд, ки бо ҳамин ниятҳои нек Шумоён омӯзгорони иззатманд ва фарзандони азизро бо фарорасии соли таҳсили 2025-2026 табрик гуфта, беҳтарин хушиҳои зиндагӣ ва саодати рӯзгор, саломатии бардавом ва хониши хубу аълоро орзу намуда, дар роҳи иҷрои вазифаҳои муҳиму масъулиятнок, баҳри тарбияи насли навраси Ҷумҳурии соҳибистиқлоламон бурдбориҳои беназирро орзу намуданд.
Дар ин раванд, масъулин қайд намуданд, ки зери роҳбарии маорифпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва тадбирҳои ҳамешагии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар кишварамон сохтмони муассисаҳои таълимӣ дар замони истиқлол вусъати тоза пайдо намудаву ҳамасола даҳҳо муассисаҳи таълимӣ бо тамоми таҷҳизоти замонавӣ сохта ба истифода дода мешаванд ва пояҳои моддиву техникии дигар муассисаҳои таълимӣ азнавсозӣ мегарданд.
Илова бар ин, масъул таъкид карданд, ки толибилмон бояд ин давраро самаранок истифода бурда, тамоми нерӯи худро барои азхуд кардани донишҳои муосир, ихтисос ва касбу ҳунарҳои замонавӣ, омӯзиши забонҳои хориҷӣ ва арҷу эҳтиром гузоштан нисбат ба забони модарӣ, таърих, фарҳанг ва дигар муқаддасоту арзишҳои миллӣ равона созанд.
Орифҷон ОЛИМЗОДА
