ГУРЎҲИ ТАБЛИҒОТӢ ДАР НОҲИЯ КОРБАРӢ НАМУДА ИСТОДААНД

 

         Дар асоси нақшаи чорабиниҳои мақомоти иҷроияи ҳокимияти давлатии ноҳияи Варзоб бахши рушди иҷтимоӣ ва робита бо ҷомеа дар ҳамбастагӣ бо шӯъбаи маориф, бахши кор бо ҷавонон ва варзиш,  бахши кор бо занон ва оила ва  шӯъбаи таблиғот ва иттилооти КИҲХДТ дар ноҳия бо аҳолии деҳаҳои Варзоб, Ғажне, Хоҷаобигарм, Ҳушёрӣ, Зимчуруд, Ғусғарф, Пурзобод, Лучоб ва Ҷангалак ва байни хонандагони синфҳои болоии муассисаҳои таълимии №1, 2, 3, 4, 6, 8, 53, 33, 50 ва волонтёрони бахши кор бо ҷавонон ва варзиши ноҳия корҳои фахмонидадиҳӣ гузарониданд.

      Мавзўи корҳои фаҳмонидадиҳӣ расонидани муҳтавои паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз 26  январи соли 2021, гиромидошти муқаддасоти миллӣ аз ҷумла забони давлатӣ, таблиғи озмунҳои ҷумҳуриявии “Фурўғи субҳи доноӣ китоб аст”, “Тоҷикистон –Ватани азизи ман”, “Илм –фурўғи маърифат”, пешгирии  унсурҳои номатлуб, аз қабили экстремизму терроризм, нашъамандӣ, ҷинояткорӣ, пошхўрии оилаҳои ҷавон, никоҳи хешутаборӣ, зўроварии хонаводагӣ, иҷрои Ќонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, “Дар бораи  танзими анъана ва љашну маросим дар ҶТ” иборат буда, њамзамон оид ба омодагӣ ба истиқболи сазовори 30 солагии Истиқлолияти давлатӣ ва истифодаи самараноки ҳар ваҷаб замин ва истифодаи сарфакоронаи неруи барқ аз ҷониби масъулин мавриди таблиғу ташвиқ қарор гирифт. Дар рафти баргузории вохўриҳо оид ба пешгирии бемории коронавирус, риояи қоидаҳои беҳдоштӣ ва муҳофизатӣ махсусан таъкид гардида, 650 варақаҳои иттилоотӣ тақсим карда шуданд.

          Гурўҳи таблиғотии ноҳиявӣ тасмим гирифтааст, ки дар тамоми муассисаҳои таълимӣ ин гуна корҳои таблиғотиро баргузор намояд.

 Мудири бахши рушди иљтимої ва робита бо љомеа                Т. Шокирова

АКСИЯИ НИҲОЛШИНОНӢ ТАҲТИ УНВОНИ «ВАТАНРО САБЗУ ХУРРАМ МЕГАРДОНЕМ» ДАР НОҲИЯИ ВАРЗОБ

        Бахши Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар ноҳияи Варзоб иттилоъ медиҳад, ки дар асоси дастуру супоришҳои сиёсати хирадмандонаи фарзанди фарзонаи миллати тоҷик, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон,  муҳтарам Эмомалӣ Раҳмон дар бораи ободу зебо гардонидани Ватани азизамон Тоҷикистони биҳиштосо ва ҷиҳати сазовор истиқбол гирифтани ҷашнҳои Иди байналмилалии «Наврўз», Рўзи Вањдати миллї ва 30-солагии Истиқлолияти давлатии Ҷумҳурии Тоҷикистон дар ноҳияи Варзоб ҳар ҳафта рӯзҳои шанбе ва якшанбе ҳашарҳои дастаҷамъона дар ободонию хурамгардонии Ватани биҳиштосоямон бо иштироки бевоситаи раиси ноҳия  муҳтарам Шерализода Муҳамадулло Умар, хизматчиёни давлатї ва кормандони касбу кори гуногуни ноҳия баргузор мегардад. 

        Ба ин муносибат санаи 6-уми феврали соли ҷорӣ таҳти роҳбарии бевоситаи раиси ноҳияи Варзоб муҳтарам Шерализода Муҳамадулло Умар бо иштироки муовини якум ва муовинони раиси ноҳия, роњбари Дастгоњи раиси ноњия, сардорони Кумита, раёсатҳо, шуъбаҳо ва бахшҳои мақомоти иҷроия ва намояндагӣ, намояндагони Кумитаи иҷроияи Ҳизби Халқии Демократии Тоҷикистон дар ноҳия, Ташкилоти ҷамъиятии ҷавонон «Созандагони Ватан»-и КИ ҲХДТ дар ноҳия, раисони ҷамоатҳои шаҳрак ва деҳоти ноҳия, кумитаҳои маҳал, намояндагони иттиҳодияҳои диннӣ,  волонтёрони бахши кор бо ҷавонон ва варзиши ноҳияи Варзоб дар маркази ноҳия ва боғҳои фарҳангиву фароғатии ноҳия маракаи ниҳолшинонӣ  бахусус ниҳолҳои ҳамешасабз ва сояафкан шинонида шуд. Ҳаминтавр дар боғҳои фароғатии ноҳия  вусъат додани корҳои дигари созандагӣ бо маром идома дорад. 

       Инчунин, гирду атроф ва саҳни ҳавлии бинои мақомоти иҷроия аз ҷониби кормандони мақомот тозаву озода карда шуд. 

       Ҳамчунин дар ин доира, бо ташаббус ва иштироки раиси Кумитаи иҷроияи Ҳаракати ваҳдати миллӣ ва эҳёи Тоҷикистон муҳтарам Рудобаи Мукаррам, ҳайати эҷодии рӯзномаи «Ваҳдат» ва гуруҳи волонтёрони хайрхоҳ дар маркази ноҳияи Варзоб  дар маракаи ниҳолшинонӣ ширкат варзиданд. 

       Дар доираи солҳои 2019-2021 «Солҳои рушди деҳот, саёҳӣ ва ҳунарҳои мардумӣ» баргузор намудани чунин иқдомҳо ин тарбияи ватандӯстии ҷавонон ва баланд бардоштани ҳисси ватандӯстии насли наврасу ҷавонон арзёбӣ мегардад ва мо ҳамагон барои хурамгардонии Ватани маҳбубамон Тоҷикистони биҳиштосо саҳмгузор бошем. 

       Ҳамин аст, ки имрӯз бо дастгириҳои марди дурандеш, Пешвои муаззами миллат, муҳтарам Эмомалӣ Раҳмон кишвари азизи мо дар арсаи байналмилалӣ макони саёҳӣ ва мавзеи биҳиштосо муаррифӣ гардида, дар дили меҳмонону саёҳони ватанию хориҷӣ ҷой гирифтааст. 

       Таҳти роҳбарии бевоситаи роҳбарияти мақомоти иҷроияи ҳокимияти давлатии ноҳияи Варзоб ин иқдом ҳар ҳафта бо ҷалби хизматчиёни давлатї ва кормандони касбу кори гуногуни ноҳия гузаронида мешавад. 

        Дар охир миннатдории роҳбарияти мақомоти иҷроияро ба раиси Кумитаи иҷроияи Ҳаракати ваҳдати миллӣ ва эҳёи Тоҷикистон муҳтарам Рудобаи Мукаррам барои ташриф дар маракаи нињолшинонї ба ноҳияи зебоманзари Варзоб арзи сипос мерасонем. 

  Орифҷон Олимзода

мудири бахши Хадамоти муҳоҷират-роҳбари намояндагии Ташкилоти ҷамъиятии ҷавонон "Созандагони Ватан"-и КИ ҲХДТ дар ноҳияи Варзоб

САНАИ 11-УМИ ФЕВРАЛИ СОЛИ ҶОРӢ НИШАСТИ МАТБУОТӢ ДАР МАҚОМОТИ ИҶРОИЯИ ҲОКИМИЯТИ ДАВЛАТИ НОҲИЯИ ВАРЗОБ БАРГУЗОР ГАРДИД

       Бахши Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар ноҳияи Варзоб иттилоъ медиҳад, ки мувофиқи нақшаи Дастгоҳи иҷроияи Президенти Ҷумҳурии Тоҷикистон аз 28-уми январи соли 2021 таҳти №26/44 дар бораи ташкил ва гузаронидани нишастҳои матбуотӣ дар вазорату идораҳо, ташкилоту муассисаҳо, мақомоти иҷроияи ҳокимияти давлатии ВМКБ, вилоятҳо, шаҳри Душанбе ва шаҳру ноҳияҳои тобеи ҷумҳурӣ оид ба ҷамъбасти соли 2020 дар ноҳияҳои тобеи ҷумҳурӣ аз таърихи 1 то 19-уми феврали соли 2021 ба нақша гирифта шудааст.

       Ба ин муносибат санаи 11-уми феврали соли ҷорӣ дар толори мақомоти иҷроияи ҳокимияти давлати ноҳияи Варзоб баргузории нишасти матбуотӣ таҳти роҳбарии раиси ноҳияи Варзоб муҳтарам Шерализода Муҳамадулло Умар бо иштироки муовини якум ва муовинони раиси ноҳия, роҳбари Дастгоҳи раиси ноҳия, сардорони Кумита, раёсатҳо, шуъбаҳо ва бахшҳои мақомоти иҷроия ва намояндагӣ, раисони ҷамоатҳои шаҳрак ва деҳоти ноҳия, инчунин хабарнигорони васоитҳои ахбори омма баргузор гардид.

       Сараввал муовини раиси ноҳияи Варзоб Қосимзода Маҳтоб Пир тартиби баргузории нишасти матбуотиро ба ҳозирин ва намояндагони васоити ахбори омма расонид.

       Баъдан раиси ноҳияи Варзоб муҳтарам Шерализода Муҳамадулло Умар суханронӣ намуда, иброз доштанд, ки соли 2020 сокинони мамлакатамон бо сарварии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба дастовардҳои арзанда ноил гардида, баҳри татбиқи сиёсати созанда ва амалӣ намудани ҳадафҳои Ҳукумати Ҷумҳурии Тоҷикистон, аз ҷумла татбиқи ҳадафҳои стратегии мамлакат ва баҳри ободии сарзамини аҷдодиамон саъйу​ талош намуда, ба дастовардҳои шоиста ва назаррас ноил гардиданд. Инчунин, дар рафти баргузории нишасти матбуотӣ ба саволҳои рӯзноманигорон оид ба фаъолияти мақомоти иҷроияи ҳокимияти давлатии ноҳия, раванди корҳои созандагиву бунёдкорӣ ва нақшаҳо барои солҳои минбаъдба пурра посухи муфассал дода, дар охир ҳамаи намояндагони васоити ахбори омма ва иштирокчиён барои ширкат намуданашон миннатдорӣ баён намуданд.  

 Орифҷон Олимзода 

мудири бахши Хадамоти муҳоҷират дар ноҳияи Варзоб

Хатари умумиинсонии терроризм ва экстремизм

   Ҳифзи истиқлолият ва ваҳдати миллӣ вазифаи муқаддаси ҳар як сокини ин сарзамин буда, он кафили сулҳу оромӣ, ҳуввияти миллӣ ва суботи кишвар мебошад. Бо шарофати сиёсати хирадмандонаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ватани азизамон мунтазам пеш рафта, суботу амнияти мардуми кишвар таъмин гаштааст. 

   Дар замони муосир яке аз ҷиноятҳое, ки ба асосҳои сохти конститутсионӣ ва амнияти давлат хавфи ҷиддӣ ба миён меоварад, ин ҷиноятҳои хусусияти террористӣ ва экстремистидошта мебошад.

   Ба муқовимати ҳамаҷониба нигоҳ накарда, дар замони ҳозира ин намуди ҷиноятҳо ҳамоно зиёд шуда истодаанд, ки онҳо метавонанд ба истиқлолият ва амнияти ҳар давлат хатар эҷод кунанд. Имрӯзҳо дар чандин кишвари мусулмонӣ бар асари дахолати доираҳои манфиатдори хориҷӣ манзилҳои зисти аҳолӣ, шаҳрҳо ва ёдгориҳои чандинҳазорсола сӯхтаву валангор шуда, ҳазорон нафар одамони бегуноҳ қурбон мешаванд.
Борҳост, ки Пешвои миллат вобаста ба низоми нави ҷаҳонӣ ва масъалаҳои глобалии ҳалталаб, аз ҷумла терроризму экстремизми динӣ дар созмонҳои бонуфузи байналмилалӣ ширкат ва суханронӣ намуда, ин зуҳуроти номатлубро маҳкум намудаанд. Натиҷаи таъкид ва огоҳии саривақтии Сарвари давлат буд, ки садҳо нафар волидони ғофил аз ҳолу аҳволи фарзандонашон, ки дар таълимгоҳҳои ифротгароии динӣ ва террористии кишварҳои хориҷӣ қарор доштанд, ба изтироб афтода, барои бозпас омадани онҳо чораҳои қатъӣ андешиданд. Аммо боиси таассуф аст, ки ҷавонони гумроҳ ва бехабар аз аслу нажод ва эътиқоди динии ростгаро дар байни ҷомеаи мо аҳён-аҳён пайдо гашта истодаанд. Онҳо ба доми фиреб афтода, беҳтарин атои Офаридгор – ақли худро ба ҳилаю найрангҳои муғризона ва хоинонаи душманони миллату давлат бохтаанд. Заъфи зиракии сиёсии ҷавонон, арҷ нагузоштан ба арзишҳои миллӣ, расму оини миллӣ, муқаддасоти динӣ ва ғайра ба бадхоҳон имкон медиҳад, ки сафи тарафдорони худро афзун намоянд. Тавре Пешвои миллат изҳор доштанд: “Дар ҷомеаи муосир терроризму ифротгароӣ дар минтақаву кишварҳои гуногуни олам торафт доман густурда, боиси ҳар рӯз ба ҳалокат расидани садҳо нафар аҳолии осоишта ва сарсону овора шудани ҳазорҳо одамони бегуноҳ гардида, зуҳуроти мазкур бар асари сиёсӣ намудани дини мубини Ислом ҳоло ба таҳдиди бузурги ҷаҳонӣ табдил ёфтааст. Ба номи дини мубини Ислом анҷом додани амалҳои террористиву ифротгароӣ имрӯз ба як зуҳуроти бисёр нангин ва ташвишовар мубаддал гардидааст”.

   Таҳлили ҷараёни вазъи вобаста ба мубориза бар зидди терроризм ва дигар зуҳуроти экстремизм (ифротгароӣ) гувоҳӣ медиҳад, ки дар айни замон терроризми байналмилалӣ ба минтақа таҳдид менамояд ва он беш аз пеш хусусияти трансмиллӣ ва глобалӣ пайдо мекунад. Дар чунин шароит Тоҷикистон дар ҳудуди кишвар ва ҷаҳон ташкил додани системаи муассири мубориза бар зидди экстремизмро вазифаи афзалиятноки худ мешуморад.
   Имрӯз дар ҷаҳон садҳо ҳизб, созмон ва ҳаракатҳои иртиҷоӣ номи исломӣ гирифта, барои ба сари қудрати сиёсӣ ва ҳокимияти давлатӣ омадан нерӯҳои имониро дар ҳамин самт сӯйистифода мекунанд. Худованд дар Қуръони карим мусалмононро ба ваҳдат, ягонагӣ ва дур будан аз парокандагиву нифоқ даъват намудааст. Аммо бар хилофи ин маънии Қуръон дастгоҳ, гурӯҳ, ташкилот ва афроди мансабхоҳ садҳо созмон ва ҳаракатҳои фитнаангезро дар байни уммати исломӣ таъсис дода, ба онҳо номҳои исломӣ гузоштаанд, то аҳли имон аз нақша ва барномаҳои ҷаҳонсӯзашон воқиф нагарданд. Ҷавонони ноогоҳу ғофил ба доми пешвоёни каззоб, воизони нопок ва мубаллиғони созмон ва ҳаракатҳои иртиҷоӣ афтида, қурбони дасиса ва ақидаи ботили онҳо мегарданд.

   Имрӯз мушкилӣ дар он аст, ки бинобар бехабарӣ ва заъфи иттилооти динӣ-мазҳабӣ баъзе аз ҷавонон андешаҳои заҳрогин ва хатарзои ифротгароёнро ҳамчун ормонҳои исломӣ ва роҳи наҷоту саодати худ пазируфтаанд. Бисёре аз ҷавонони камтаҷриба ва бехабар аз дин барои дарёфти ормонҳои исломӣ ва имонии худ ба равияҳои “Салафия”, “Ҳизб-ут-таҳрир”, “Ансоруллоҳ” ва “Рофизия” ворид гаштаанд.

   Ба хотири ҳифзи Истиқлолият, Ваҳдат, Ватани азизамон ва муқаддасоту арзишҳои инсонмеҳварии фарҳанги миллию мазҳабӣ имконият дорем, ки сирру асрори ҳаракатҳои тахрибкор ва ҳадафҳои ботил ва афкори номашрӯъашонро дар ҷомеа ошкор созем, то шаҳрвандони азизамон аз оқибатҳои хатарноки онҳо дар амон бошанд.