ТАҶЛИЛИ НАВРӮЗИ ҲУҶАСТАПАЙ ДАР НОҲИЯИ ВАРЗОБ

        Тибқи Нақшаи чорабиниҳои мақомоти иҷроияи ҳокимияти давлатии ноҳияи Варзоб дар рӯзҳои таҷлили Наврӯзи оламафрӯз ва идомаи тадбирҳои созанда ба хотири сазовор пешвоз гирифтани ҷашни 30-солагии Истиқлоли давлатӣ, инчунин, татбиқи ҳадафҳои солҳои рушди деҳот, саёҳӣ ва ҳунарҳои мардумӣ дар деҳаҳои дурдасти ноҳия 15 иншооти таъиноти гуногуни иҷтимоӣ бо иштироки намояндаи Ҳукумати Ҷумҳурии Тоҷикистон роҳбари гурӯҳи корӣ, директори Агентии назорати маводи нашъаовари назди Президенти Ҷумҳурии Тоҷикистон Воҳидзода Ҳабибулло мавриди истифода қарор дода шуд, ки дар ин замина беш аз 40 нафар соҳиби ҷои кор гардиданд.

       Мо бояд шукрона аз он кунем, ки  барои оммавӣ шудани Наврӯзи бостонӣ ва ҷаҳонӣ шудани он хизмати шоистаю босазои Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон хело бузург аст. Ин моро ба он ҳидоят мекунад, ки ба гузаштаи дури худ бори дигар назар андозем ва баҳри пешрафти рушди соҳаҳои мухталифи хоҷагии халқ дучанд меҳнат намуда, ба қадри арзишҳои маънавии миллат ва неъматҳои бузурги даврони истиқлолият расем.

       Ба  муносибати Ҷашни Наврӯз  санаи 22-уми марти соли 2021 дар Қасри фарҳанги ноҳияи Варзоб ҷамъомади тантанавӣ  баргузор гардид, ки дар он раиси ноҳияи Варзоб Шерализода Муҳамадулло Умар, намояндаи Ҳукумати Ҷумҳурии Тоҷикистон роҳбари гурӯҳи корӣ бахшида ба ҷашни 30-солагии Истиқлолияти давлатии Ҷумҳурии Тоҷикистон дар ноҳияи Варзоб, директори Агентии назорати маводи нашъаовари назди Президенти Ҷумҳурии Тоҷикистон Воҳидзода Ҳабибулло, вакили Маҷлиси намояндагони Маҷлиси Олии Ҷумҳурии Тоҷикистон Усмонзода Хайридин Усмон, намояндагони Дастгоҳи иҷроияи Президенти Ҷумҳурии Тоҷикистон Сайдализода Фозил, аз Вазорати маориф ва илми Ҷумҳурии Тоҷикистон Сайдализода Носир, ходими давлатӣ,  собиқадор- Салимзода Шерхон Одина, роҳбарони ҳифзи ҳуқуқи ноҳия-раиси  суд- Воҳидзода Раҷабалӣ, прокурор- Илёсзода Хайриддин, сардори  амният Акобиров Саидҷон,  сардори ШВКД Саидзода Раҳматулло, собиқ раисони ноҳия Абдуваҳҳоб Саидмуродов, Насриддин Ибодов, собиқадорони меҳнат, муовинони раиси ноҳия, роҳбари Дастгоҳи раиси ноҳия, сардорони раёсат, шуъба ва бахшҳои мақомоти иҷроия ва намояндагӣ, кормандони Кумитаи иҷроияи Ҳизби Халқии Демократии Тоҷикистон дар ноҳия, роҳбари намояндагии Ташкилоти ҷамъиятии ҷавонон “Созандагони Ватан”-и ноҳия, ҷавонон ва волонтёрон иштирок намуданд.

         Дар оғози чорабинии идона, дар даромадгоҳи Қасри фарҳанг  намоиши маҳсулот, дастовардҳои аҳли ҷамоатҳои шаҳрак ва деҳоти ноҳия, таомҳо ва бозиҳои миллии варзишӣ чун анъанаҳои неки наврӯзӣ ба намоиш гузошта шуданд, ки меҳмонон нахуст аз онҳо дидан намуданд.

Ҷамъомади идона бо сухани ифтитоҳии намояндаи Ҳукумати Ҷумҳурии Тоҷикистон Воҳидзода Ҳабибулло бо расонидани Паёми шодбошии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон оғоз гардид. Мавсуф  сокинони ноҳияро ба муносибати љашни байналмилалии Наврӯз шодбош гуфта,  ба ҳамагон рӯзгори ободу осуда, хотирҷамъӣ ва ба Ватани азизамон сарсабзию шукуфоӣ ва сулҳу осоиши пойдор таманно намуданд.

         Сипас раиси ноҳияи Варзоб Шерализода Муҳамадулло Умар бахшида ба љашни Наврӯз сокинони ноҳияро табрик намуда, қайд кард, ки Наврӯз ба шарофати Истиқлоли давлатӣ бо тамоми ғановату рангорангиаш  эҳё гардида, ҳоло ба ҷашни милливу давлатии мо-тоҷикон ва рамзи худшиносиву ифтихори миллӣ, ваҳдату ҳамдилии мардум ва пайванди наслҳо табдил ёфтааст.

       Баъдан таъкид намуданд, ки тавре Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қайд менамоянд: «Наврӯз ҳамчун бузургтарин ойини мардумӣ ҳанӯз аз оғози пайдоиши он то ба имрӯз, ки таърихи беш аз шашҳазор солро дар бар мегирад, ҳамчун рамзи сари сол, яъне айёми баробаршавии шабу рӯз, эҳёи табиат, оғози мавсими кишту кор, ибтидои корҳои саҳроӣ ва фаъолияти кишоварзон ҷашн гирифта мешавад».

       Ба ифтихори чорабинии мазкур аз ҷониби бахши фарҳанги ноҳия  ва ҳунармандони шинохтаи ҷумҳурӣ барномаи бошукӯҳи идона ва рангини ҳунарӣ, ки бо ситоиши Наврӯз, баҳор ва зебоию  шукуфоии табиат бахшида шуда буд, пешкаши ҳозирин гардида  шуд.    

 ОРИФҶОН ОЛИМЗОДА,

мудири бахши Хадамоти муњољират дар ноҳияи Варзоб

       Тибқи Нақшаи чорабиниҳои мақомоти иҷроияи ҳокимияти давлатии ноҳияи Варзоб оид ба баргузории вохӯриҳо бо намояндагони Ҳукумати Ҷумҳурии Тоҷикистон ва мақомоти ҳифзи ҳуқуқи ноҳия ҷиҳати расонидани муҳтавои Паёми Президенти Ҷумҳурии Тоҷикистон ба сокинони ноҳия силсилавохӯриҳо доир карда мешавад.

       Дар ҳамин асос, 19-уми марти соли равон баррасии муҳимтарин нуктаҳои Паёми Президенти мамлакат бо ширкати муовини раиси ноҳияи Варзоб Маҳтоб Қосимзода  ва вакилони Маҷлиси намояндагони Маҷлиси Олии Ҷумҳурии Тоҷикистон Тағойзода Сумангул Саид ва Усмонзода Хайридин Усмон дар маркази ноҳия доир гардид.

       Дар вохӯрии мазкур кормандони  Дастгоҳи раиси ноҳия, сардорони раёсат, шуъба ва бахшҳои мақомоти иҷроия,  намояндагони Ташкилоти ҷамъиятии ҷавонон “Созандагони Ватан”-и ноҳия,  фаъолони Ҳизби Халқии Демократии Тоҷикистон дар ноҳия, роҳбарони ташкилоту муассисаҳо, раисони кумитаҳои маҳал, намояндагони иттиҳодияҳои динӣ, ҷавонон  ва волонтёрон иштирок намуданд.

       Вакили Маҷлиси намояндагони Маҷлиси Олии Ҷумҳурии Тоҷикистон Тағойзода Сумангул зимни суханрониашон таъкид намуданд, ки дар Паёми навбатии худ Пешвои миллат самтҳои асосии сиёсати дохилию хориҷии мамлакатро барои давраҳои оянда муайян намуда, иброз доштанд, ки  “Дар сиёсати давлату Ҳукумати Тоҷикистон танзими муносибатҳои меҳнатӣ, рушди бозори меҳнат ва бо шуғл таъмин намудани аҳолӣ мавқеи асосӣ дорад”.

       Баъдан, қайд намуданд, ки дар Паёми навбатии худ Президенти мамлакат муҳтарам Эмомалӣ Раҳмон ба кулли сокинони кишвар, ки дар чунин давраи душвору вазнин сабру таҳаммул нишон дода, ба воҳимаву таҳлука наафтоданд, баръакс, муттаҳид шуда, эҳтирому иззати ҳамдигарро ба ҷо оварданд, табибон ва оилаҳои онҳоро дастгирӣ карданд ва баробари Ҳукумат заҳмат кашиданд, инчунин, ба соҳибкорони ватандӯст ва дигар шахсони саховатпеша, ки ба муассисаҳои тандурустӣ, табибон ва оилаҳои камбизоат бо таҷҳизоти тиббӣ, доруворӣ ва маводи ғизоӣ кўмак расониданд, сипоси бепоён гуфтанд.

         Вакили  маҷлиси намояндагони Маҷлиси Олии Ҷумҳурии Тоҷикистон Усмонзода Хайридин иброз доштанд, ки тавре  дар Паём дарҷ гардидааст ҳадафи олии давлат ва Ҳукумати мамлакат таъмин намудани рушди устувори иқтисодии кишвар тавассути баланд бардоштани самаранокии истифодаи захираву имкониятҳои мавҷуда, дарёфти манбаъҳои нави рушд, тараққӣ додани соҳаҳои илму маориф, тандурустӣ, инкишофи нерӯи инсонӣ ва бо ҳамин роҳ мунтазам беҳтар кардани сатҳу сифати зиндагии мардуми шарифи Тоҷикистон мебошад.  

       Дар охир муовини раиси ноҳияи Варзоб Маҳтоб Қосимзода таъкид карданд, ки имсол ба таъсисёбии ноҳияи Варзоб 30 сол пур мешавад. Аз ин лиҳоз, мо ҳамагон бояд барои пешрафти соҳаҳои иҷтимоию иқтисодии ноҳия ва таҷлили 30-солагии Истиқлолияти давлатӣ саҳми муносиби хешро гузорем.   

ОРИФҶОН ОЛИМЗОДА

мудири бахши Хадамоти муҳоҷират дар ноҳияи Варзоб

       «Дар чунин шароит тамоми хизматчиёни ҳарбӣ ва кормандони мақомоти ҳифзи ҳуқуқ - аз сарбози қаторӣ то афсарони баландрутба вазифадоранд, ки донишу таҷриба ва малакаву маҳорати худро ба ҳимояи дастовардҳои замони истиқлолияту озодии Тоҷикистони маҳбубамон ва хизмати содиқона ба манфиати халқу Ватан сафарбар созанд».                                                                                                            

                                                                                                                                                                                                                           Эмомалӣ Раҳмон

       Қувваҳои Мусаллаҳи Ҷумҳурии Тоҷикистон зодаи истиқлолият буда, дар шароити вазнин таъсис ёфтаанд. Бинобар ин мо бояд шукронаи истиклолият ва шукронаи ин хонаи обод намоему дар ободтар гаштани Ватани азизамон саҳми арзандаи худро гузорем.

       Қувваҳои Мусаллаҳи кишвар дар ҳақиқат сипари боэътимоди давлат, ҳимоятгари асосии сокинони кишвар ва сулҳу ваҳдат дар ҷомеа мебошад.

       Дар ин муддати нисбатан кўтоҳи таърихи ҷузъу томҳои он ба нерўи қудратманди низоми муҳофизи сулҳу субот ва фазои орому осудаи мамлакат табдил ёфта, ҳоло ба Ватан ва халқи худ содиқона хизмат мекунанд. Артиши ҷавони Тоҷикистон, хусусан дар солҳои душвори фоҷеабори ҷанги шаҳрвандӣ якҷо бо мақомоти ҳифзи ҳуқуқ ва дигар сохторҳои низомии кишвар дар ҳифзи истиқлолияти давлатӣ, ҳимояи марзҳои Ватан, безарар гардонидани гурўҳҳои террористиву экстремистӣ ва хомўш кардани ошўбҳои хиёнаткорона бар зидди давлат ва ҷомеа саҳми сазовору ҷавонмардона гузошт. Тайи 28 соли фаъолият Қувваҳои Мусаллаҳи Тоҷикистон рўзҳои сахту сангинро пушти сар карда, аз озмоишҳои шадид гузаштанд ва имрўз ба нерўи қудратманди низомӣ, муҳофизи сулҳу субот ва фазои орому осудаи кишвар табдил ёфта, барои ҳифзи боэътимоди марзу буми Ватани азиз собитқадамона рушду такомул меёбад.

       Инчунин, тӯли 28 сол афсарону сарбозони Артиши миллӣ аз имтиҳони ҷиддии ҳаёт, мактаби мардонагӣ ва муборизаву набардҳои сангин сарбаландона гузашта, барои ҳифзи обу хоки сарзамини аҷдодӣ ва ҳимояи дастовардҳои истиқлолият хизмати содиқонаву арзандаи худро ба ҷой овардааст.

      Асосгузори сулҳу вањдати миллӣ-Пешвои миллат, Президенти кишвар, Сарфармондеҳи Олии Қувваҳои Мусаллаҳи Ҷумҳурии Тоҷикистон, муҳтарам Эмомалӣ Раҳмон дар яке аз  суханронияшон иброз доштанд «Тайи солҳои сипаришуда даҳҳо ҳазор ҷавонони бонангу номуси Ватан аз тарбияи ин мактаби далериву шуҷоат, яъне хизмат дар сафҳои Қувваҳои Мусаллаҳ гузашта, қарзи муқаддаси фарзандӣ ва рисолати мардонагии худро адо намудаанд ва борҳо собит сохтаанд, ки Артиши миллӣ дар ҳимояи манфиатҳои миллӣ, муқаддасоти давлати соҳибистиқлол ва таъмини амнияти давлат ва ҷомеа бо сарбаландӣ баромада метавонанд».

       Имрӯз афсарону сарбозони Қувваҳои Мусаллаҳи кишвар бо дарки баланди масъулияти касбӣ вазифаҳои худро содиқона ба ҷой оварда, барои пешгирии ҳар амалу кирдоре, ки амният ва ҳаёти осоиштаи сокинони кишварро зери хатар мегузорад, омода мебошанд.

       Зикр кардан ба маврид аст, ки  саҳми ҷавонон дар ҳифзи Ватан-Модар шоистаи таҳсин буда, онҳо дар тамоми ҷузъу томҳои Қувваҳои Мусаллаҳ  ва дигар сохторҳои ҳарбӣ содиқона хизмат мекунанд ва дар ҳимояи сарҳади давлатӣ низ нақши бузург доранд.

       Дар воқеъ, ҳимояи марзу буми Ватан вазифаи муқаддас ва пурифтихори на танҳо хизматчиёни ҳарбӣ, балки ҳар як шахси солимфикр, бообрў ва нангу номуси давлатамон мебошад.  

       Чуноне, ки Асосгузори сулҳу ваҳдати миллӣ-Пешвои миллат, Президенти кишвар, Сарфармондеҳи Олии Қувваҳои Мусаллаҳи Ҷумҳурии Тоҷикистон, муҳтарам Эмомалӣ Раҳмон дар яке аз  суханронияшон қайд карда буданд «Ҳайати шахсии Қувваҳои Мусаллаҳ дар солҳои душвори муқовимати мусаллаҳонаи дохилӣ ва ҷанги таҳмилии шаҳрвандӣ қарзи фарзандии худро дар назди Ватан ва халқи Тоҷикистон содиқона иҷро карда, дар роҳи ба эътидол овардани вазъият, яъне қатъи ҷангу хунрезӣ, таъмини сулҳу субот ва мубориза бар зидди гурӯҳҳои экстремистиву террористӣ саҳми басо арзишманд гузоштанд».

       Дар натиҷаи ислоҳоти ҳарбӣ дар Артиши миллии Тоҷикистон, ки аз рўзҳои бунёди Қувваҳои Мусаллаҳ оғоз гардида, он ҳанўз идома дорад, корҳои хеле зиёд ба сомон расонида шуданд.

       Ҳамасола қисмҳои низомии Қувваҳои Мусаллаҳи ҷумҳурӣ дар гўшаҳои гуногуни ҷумњурӣ мустақилона ва ё дар якҷоягӣ бо ҷузъу томҳои сохторҳои қудратии мамлакат машқҳои васеи низомӣ доир намуда, омодагии ҷангии худро пайваста сайқал медиҳанд.

       Ҳукумати Ҷумҳурии Тоҷикистон таҳти роҳбарии Сарфармондеҳи Олии Қувваҳои Мусаллаҳи Ҷумҳурии Тоҷикистон, муҳтарам Эмомалӣ Раҳмон баҳри мустаҳкам намудани қобилияти мудофиавии кишвар, баланд бардоштани сатҳи омодагии ҳарбӣ, беҳтар гардидани шароитҳои моддиву техникӣ ва вазъи иҷтимоиии хизматчиёни ҳарбӣ пайваста ғамхорӣ менамояд.

       Бигузор дар сарзамини соҳибистиқлоламон сулҳу оромӣ ҳамеша пойдор бошад ва мо тамоми саъю кўшиши худро ба он равона созем, ки сулҳу суботи комил ва ваҳдати миллӣ ба хотири ояндаи неки кишварамон устувору ҷовидон боќӣ монад.

Бо итминон метавон зикр намуд, ки бисёре аз љавонони мо бо њисси баланди худшиносиву худогоњии миллї ва ифтихор аз давлату давлатдории миллї дар оянда низ тамоми нерўи худро барои њифзи дастовардњои Истиќлолият, тањкими давлатдорї, вањдати миллї, сулњу субот, рушди минбаъдаи иќтисодиву иљтимоии Ватани азизамон Тољикистони бињиштосо ва устувор гардонидани мавќеи он дар ќатори кишварњои мутараќќї сафарбар менамоянд.

Дар ин рӯзи фаромӯшнашаванда ҳамаи шуморо бо ин ҷашни таърихӣ, таъсисёбии Қувваҳои Мусаллаҳи Ҷумҳурии Тоҷикистон самимона табрик намуда, ба Шумо саломатӣ, осоиши рӯзгор, хушбахтӣ ва дар иҷрои вазифаҳои хизматӣ, муваффақияту комёбиҳои беназирро орзу менамоям.

 

28 - СОЛАГИИ  ТАЪСИСЁБИИ ҚУВВАҲОИ МУСАЛЛАҲИ  ҶУМҲУРИИ  ТОҶИКИСТОН МУБОРАК   БОШАД,  ҲОМИЁНИ  ВАТАН!

 

Орифљон Олимзода

мудири бахши Хадамоти муҳоҷират-роњбари намояндагии

 Ташкилоти ҷамъиятии ҷавонон «Созандагони

Ватан»-и КИ ҲХДТ дар ноҳияи Варзоб

       Тибқи Нақша чорабиниҳои мақомоти иҷроияи ҳокимияти давлатии ноҳияи Варзоб бо мақсади тарғибу ташвиқи ҳисси ватандӯстӣ дар байни ҷавонону хонандагони мактабҳои таҳсилоти миёна, таҳкими ғояҳои дӯстӣ, ташвиқи хизмат дар сафи Қувваҳои Мусаллаҳи Ҷумҳурии Тоҷикистон, бахшида ба 28-солагии Рӯзи таъсиси Артиши миллии Ҷумҳурии Тоҷикистон ва таҷлили 30-солагии Истиқлолияти давлатии Ҷумҳурии Тоҷикистон дар ҳудуди ноҳия вохўриву суҳбатҳо бо ҷавонони синни даъватӣ баргузор карда шуд.

       Ёдовар мешавем, дар Паёми Пешвои миллат-Президенти Ҷумҳурии Тоҷикистон муҳтарам Эмомалӣ Раҳмон қайд карда шуд, ки «Саҳми ҷавонон, дар ҳифзи Модар-Ватан шоистаи таҳсин буда, онҳо дар тамоми ҷузъу томҳои Қувваҳои Мусаллаҳ ва дигар сохторҳои ҳарбӣ содиқона хизмат мекунанд ва дар ҳимояи сарҳади давлатӣ низ нақши бузург мебозанд».

       Бахшида ба ин санаи таърихї 23-юми феврали соли равон дар толори Ќасри фарњанги ноњияи Варзоб бо иштироки раиси ноњияи Варзоб муњтарам Шерализода Муҳамадулло Умар ва роҳбарони мақомоти ҳифзи ҳуқуқи ноҳия чорабинии тантанавӣ баргузор гардид.

Дар чорабинии мазкур муовини якум, муовинони раиси ноҳия, роҳбари Дастгоҳи раиси ноҳия, Кумитаи иҷроияи Ҳизби Халқии Демократии Тоҷикистон дар ноҳия, сардорони раёсат, шуъба ва бахшҳои мақомоти иҷроияи ҳокимияти давлатии ноҳияи Варзоб ва намояндагӣ, роҳбарони ташкилоту муассисаҳои ноҳия, вакилони ноҳиявию ҷамоатӣ, раисони ҷамоатҳои шаҳрак ва деҳоти ноҳия, собиқадорони Қувваҳои Мусаллаҳ, сарбозону афсарон, волонтёрони бахши кор бо ҷавонон ва варзиш ва Ташкилоти ҷамъиятии ҷавонон “Созандагони Ватан” дар ноҳия иштирок намуданд.

       Дар қисмати тантанавии чорабинӣ, ки дар Қасри фарҳанги ноҳия дар сатҳи баланди ташкилӣ баргузор гардид ва пас аз садо додани суруди миллӣ, раиси ноҳияи Варзоб муҳтарам Шерализода Муҳамадулло Умар ёдоварӣ аз он карданд, ки «Дар қатори ҳазорон нафар афсарон ва сарбозони шуҷои Ватан шаҳрвандон, ҷавонони ноҳияи Варзоб низ дар сафи Ќувваҳои Мусаллаҳи ҷумҳурӣ имрўзҳо софдилона ва сарбаландона хизмати Модар-Ватанро ба ҷо оварда истодаанд. Мо бо онҳо фахр менамоем ва дар иҷрои қарзу вазифаи муқаддасашон мардонагӣ, тани сиҳатро таманно дорем. Ба падару модарони афсарон ва сарбозон барои тарбияи чунин родмардони Ватан миннатдории бепоёни худро изњор менамоям».

       Ба ин муносибат бо қарори раиси ноҳияи Варзоб аз 19-уми феврали соли 2021, №138 дар бораи сарфароз гардонидан бо «Ифтихорнома» ва «Сипоснома»-и мақомоти иҷроияи ҳокимияти давлатии ноҳияи Варзоб як қатор кормандони касбу кори гуногуни ноҳия ва аъзоёни Ташкилоти ҷамъиятии хайриявии «Сипарони Ватан» дар ноҳия сарфароз гардонида шуданд.  

       Ба ифтихори 28-умин солгарди Рӯзи таъсисёбии Қувваҳои Мусаллаҳаи Ҷумҳурии Тоҷикистон аз ҷониби аҳли фарҳанги ноҳия ва ҳунармандони шинохта чорабинии рангини фарҳангӣ доир карда шуд.

       Дар чорабинии болозикр аз тарафи бахши Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар ноҳияи Варзоб якљо бо мақомоти иҷроияи ҳокимияти давлатии ноҳияи Варзоб, бахши кор бо ҷавонон ва варзиш ва Ташкилоти ҷамъиятии ҷавонон «Созандагони Ватан»-и КИ ҲХДТ дар ноҳия ба сокинони ноҳия ва меҳмонон буклетҳо дар мавзӯъҳои «Ба Ватан содиқам», «Ҷавонон-пайравони Пешвои миллат», «Сарбози Ватан будан ифтихори ҷавонмардист», «Нашъамандӣ ва оқибатҳои он», «Бо хатарҳои глобалӣ бояд мубориза бурд»,  «Аз оворагардӣ ба донишомўзӣ», «Кўдакони худро муҳофизат менамоем» ба миқдори 1560 нусха тақсим гардид.

 

Орифҷон Олимзода

мудири бахши Хадамоти

муҳоҷират дар ноҳияи Варзоб