Терроризм ватан надорад

   Вобаста ба вазъияте, ки имрӯз дар ҷаҳон ба амал омадааст, яке аз самтҳои афзалиятноки сиёсати давлатҳо мубориза бар зидди экстремизм ва терроризм мебошад. Аз оғози ба даст овардани истиқлолият давлати Тоҷикистон ба яке аз масъалаҳои муҳим - ба монанди таъмини амнияти минтақавӣ ва миллӣ дучор гардид.

   Авҷи хатари терроризм ва экстремизм ин ҳодисаҳои марбут ба ҷанги шаҳрвандӣ дар кишвари мо дар солҳои 1992-1997 мебошанд.

   Имрӯзҳо доир ба афзудан ва густариши экстремизм ва терроризм зиёд ҳарф мезананд, менависанду тариқи шабакаҳои интернетӣ муҳокима менамоянд.

   Экстремист шахсест, ки ҷонибдори амалҳои якравию тундравӣ аст. Террористон мехоҳанд мақсаду мароми худро бо роҳи зӯроварӣ, ғоратгарӣ, куштор ва тарсу ваҳм амалӣ намоянд.

   Экстремистон ва террористон кӯшиш мекунанд, ки ба сафи худ наврасон ва ҷавононро ҷалб намоянд, зеро онҳо  ба осонӣ ба ин гурӯҳҳо мепайванданд. Мақсади экстремизми муосир таъсиси давлатест, ки баробари бунёди он  барпо намудани ҷаҳони ислом ва сипас,  ҳукмронӣ ба тамоми ҷаҳон мебошад.

   Барои ба ҳадафҳои сиёсӣ расидан аксаран ташкилотҳои экстремистӣ ба эътиқоди динии шахсон таъсир расонида, шаҳрвандони гуногунро, алалхусус ҷавононро ба доми худ мекашанд. Ҷумҳурии Тоҷикистон ҳамчун узви созмонҳои мубориза бар зидди экстремизм барои пешгирӣ аз ин тамоюл тамоми  тадбирҳоро андешида истодааст.

   Аз ин рӯ, давлати моро дар арсаи байналмилалӣ дар самти мубориза бар зидди зуҳуроти терроризм ва экстремизм чун як иштирокчии фаъол мешиносанд ва арзёбӣ мекунанд.

   Дар таърихи на он қадар тӯлонии давлатдории хеш мақомоти қудратии ҷумҳурӣ дар мубориза бар зидди ин зуҳуроти номатлуб дастболо гашта, имрӯзҳо низ муборизаро давом дода истодаанд.

   Чунонки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам  Эмомалӣ Раҳмон дар паёмҳои худ иброз доштанд,  дар ин вазъияти ошуфтаву бесуботи ҷаҳони муосир ва зиндагии фоҷиабори баъзе халқу миллатҳо ҳар як шаҳрванди огоҳи Тоҷикистон бо камоли шукргузорӣ дарк мекунад, ки аз баракати сулҳу субот мо ба чӣ неъмати бузурге даст ёфтаем.

   Ҷавонони имрӯзаи мо бояд эҳсос кунанд, ки падару модар бо чи ниятҳои нек фарзандро калон мекунанд, ба вай номи нек мегузоранд, то ин  ки дар оянда онҳо номбардори падару модар бошанд. Аммо аз хунукназарӣ ва беаҳамиятии  баъзе аз оилаҳо фарзандони онҳо беназорат монда, оқибат ба ҳар  гурӯҳу ҷамъиятҳои тундгаро  шомил мешаванд, ки дар натиҷа  номи худ, падару модар ва  маҳалли худро доғдор месозанд.  

   Ҷавонони мо бояд саъй намоянд,  ки ин ватанро  ободу зебо сохта барои ояндаи худ ва наслҳои минбаъда зиндагии арзандаеро заминагузор бошанд. Муборизаи мо алайҳи экстремизму терроризм дар асл мубориза барои ҳифзи давлат, истиқлолият, фарҳангу забон, арзишҳои миллӣ ва зиндагии озоду осудаи халқамон бояд  бошад.

   Ҷавононро месазад аз пайвастан ба ҳар гуна ҳаракату гурӯҳҳои ифротгаро, ки барои заҳролуд намудани афкору андешаи мардум замина мегузоранд, худдорӣ намоянд ва аз ҷодаи зиракии сиёсиву ҳисси баланди миллию масъулияти ватандорӣ қадам гузоштанро вазифаи худ қарор диҳанд.

А. Содиқов, корманди

мақомоти иҷроияи

ҳокимияти давлатии н. Варзоб

Ба таваҷҷуҳи шаҳрвандони Ҷумҳурии Тоҷикистон, ки  дар қаламрави Федератсияи Россия кор ва фаъолият доранд
 
       Вазорати меҳнат, муҳоҷират ва шуғли аҳолии Ҷумҳурии Тоҷикистон ба таваҷҷуҳи шаҳрвандони Ҷумҳурии Тоҷикистон, ки дар қаламрави Федератсияи Россия кор ва фаъолият доранд, мерасонад, ки дар Федератсияи Россия намояндагии Вазорат фаъолият дошта, шаҳрвандони Ҷумҳурии Тоҷикистон метавонанд ҷиҳати баррасии мушкилоти худ дар соҳаи муносибатҳои меҳнатӣ, нақзи ҳуқуқҳои шахсӣ, пардохт нагардидани маоши кормандон ва дигар масъалаҳои марбут ба фаъолияти меҳнатии худ ба намояндагии Вазорат дар шаҳру вилоятҳои  зерин муроҷиат намоянд:
       Шаҳрвандони Ҷумҳурии Тоҷикистон дар  шаҳри Москва  ва вилоятҳои тобеи он ҷиҳати баррасии мушкилоти ҷойдоштаи худ метавонанд ба суроғаи зерин муроҷиат намоянд: Мирзоев Зоҳир Тоҳирович шаҳри Москва, кӯчаи Тверская-Ямская 2-я, хона 40/3, телефон +7(495)967-98-44, +7 (926) 876– 90 – 49, 8-9262990927, 8-926 4626201, +7(903)597-12-13, +7 901 422 35 78
 Этот адрес электронной почты защищен от спам-ботов. У вас должен быть включен JavaScript для просмотра.
       Дар шаҳри Екатеренбург ва вилояту навоҳии минтақаи мазкур шаҳрвандони Ҷумҳурии Тоҷикистон метавонанд ба суроғаи зерин муроҷиат намоянд: Халиқов Беҳрӯз Умронович, шаҳри  Екатеринбург,  телефон +7 (982)7398998, +7 (982) – 739 – 89 – 98, Этот адрес электронной почты защищен от спам-ботов. У вас должен быть включен JavaScript для просмотра. 
       Дар шаҳри  Новосибийрск  муҳоҷирони меҳнатӣ метавонад ба суроғаи зайл муроҷиат намоянд: Нуридинов Шерали Нуриллоевич,  СФО, г. Новосибирск, Этот адрес электронной почты защищен от спам-ботов. У вас должен быть включен JavaScript для просмотра., +7 9653586161;
       Ҳамзамон шаҳрвандони Ҷумҳурии Тоҷикистон метавонанд тавассути вайбер, вотсап, имо ба тамоми намояндагии Вазорат дар шаҳру вилоятҳои Федератсияи Россия, аз ҷумла ба Астрахан +7 (977) 272– 00 -01, Санкт – Петербург –+7 (964) 373– 75 – 01, Хабаровск –+7 (967) 271– 02 – 02, Уфа –+7 (915) 4883223  ба шумораҳои зеррин муроҷиат намоянд.
       Дар баробари ин муҳоҷирони меҳнатӣ – шаҳрвандони Ҷумҳурии Тоҷикистон ҷиҳати мушкилоту муаммоҳои худ дар Федератсияи Россия метавнаонд ба Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон ба суроғаи зеррин муроҷиат намоянд: ш.Душанбе, кӯчаи Айнӣ 121, тел/факс: +992-225-07-19, 225-05-91, 225-05-81, Этот адрес электронной почты защищен от спам-ботов. У вас должен быть включен JavaScript для просмотра.
 
Манбаъ: Вазорати меҳнат, муҳоҷират ва шуғли аҳолии Ҷумҳурии Тоҷикистон
 
Омодасоз: мудири бахши Хадамоти муҳоҷират дар ноҳияи Варзоб 
Орифҷон Олимзода
БАРГУЗОРИИ ВОХӮРӢ ДАР НОҲИЯИ ВАРЗОБ БО ИШТИРОКИ МУОВИНИ САРВАЗИРИ ҶУМҲУРИИ ТОҶИКИСТОН ОИД БА МАҚСАДНОК ИСТИФОДА БУРДАНИ ҚУВВАИ БАРҚ ВА МАСЪАЛҲОИ МУБРАМИ РӮЗ
 
       Бахши Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар ноҳияи Варзоб иттилоъ медиҳад, ки санаи 24-уми декабри соли равон дар толори Қасри фарҳанги ноҳияи Варзоб вохӯрӣ бо иштироки муовини Сарвазири Ҷумҳурии Тоҷикистон, намояндаи Ҳукумати Ҷумҳурии Тоҷикистон вобаста ба ҷашнгирии 30-солагии Истиқлолияти давлатии Ҷумҳурии Тоҷикистон дар шаҳру ноҳияҳои тобеи ҷумҳурӣ Гулмаҳмадзода Давлатшоҳ Қурбоналӣ, намояндаи Ҳукумати Ҷумҳурии Тоҷикистон, директори Агентии назорати маводи нашъаовари назди Президенти Ҷумҳурии Тоҷикистон, роҳбари гуруҳи корӣ дар ноҳияи Варзоб Воҳидзода Ҳабибулло Сайдулло ва раиси ноҳияи Варзоб Шерализода Муҳамадулло Умар баргузор гардид.
       Дар вохӯрии мазкур кормандони касбу кори гуногуни ноҳияи Варзоб иштирок намуданд.
       Сараввал раиси ноҳияи Варзоб муҳтарам Шерализода Муҳамадулло Умар тартиби гузаронидани вохӯриро ба меҳмонон ва ҳозирин шинос намуда, баъдан рӯзномаи маҷлисро оид ба омодагӣ ба ҷашнгирии 30-солагии Истиқлолияти давлатии Ҷумҳурии Тоҷикистон ва иҷрои дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар машварати корӣ аз 15-уми декабри соли 2020 баён гардида, шинос намуданд.
       Баъдан дар вохӯрии мазкур роҳбари гуруҳи корӣ муҳтарам Воҳидзода Ҳабибулло Сайдулло суханронӣ намуда, оид ба ҳолати иҷрои корҳои ободонию созандагӣ ахборот дода, диққати ҳозиринро ба истифодаи мақсадноки қувваи барқ ва сарфаю сариштакории он ҷалб намуд. Инчунин, қайд карданд, ки масъалаҳои мазкур ба пешрафти шароити арзандаи мардум ва зиндагонии осоишта равона гардида, бо ташаббусу ибтикороти бевоситаи Сарвари давлат, муҳтарам Эмомалӣ Раҳмон амалӣ шуда истодаанд. Мавсуф ҳамзамон зикр намуданд, ки дар якҷоягӣ бо роҳбарият, кормандони ташкилоту муассисаҳо, сокинони баору номуси ноҳияи Варзоб бо меҳнати софдилона ва азму иродаи қавӣ баҳри боз ҳам ободу сарсабз намудани ватани азизамон, ба хусус вусъат додани корҳои ободониву созандагӣ, таҳкими волоияти қонун ва пешгирии ҷинояту ҷинояткорӣ саъю талош менамоем.
       Ҳамчунин Воҳидзода Ҳабибулло Сайдулло дар рафти суханрониҳои худ доир ба хатару таҳдидҳои ҷаҳонӣ аз ҷумла экстремизм, терроризм, коррупсия ва гардиши ғайриқонунии маводи нашъаовар табодули назар намуда, мақомоти ҳифзи ҳуқуқ ва сохторҳои низомии ноҳияро ба ҳушёриву зиракии сиёсӣ ва баланд бардоштани донишу малакаи касбӣ даъват намуда, бо мақсади пешгирӣ ва мубориза бар зиддӣ ҷиноятҳои фарромилӣ баргузории суҳбату мулоқотҳои судмандро дар байни аҳолӣ, бахусус диндорон, ҷавонон, занон, муҳоҷирони меҳнатӣ ва ғайра зарур шумориданд.
     Сипас муовини Сарвазири Ҷумҳурии Тоҷикистон муҳтарам Гулмаҳмадзода Давлатшоҳ Қурбоналӣ суханронӣ намуда, масъалаҳои истифодаи сарфакоронаи нерӯи барқ, инчунин мақсаднок истифода бурдани ҳар ваҷаб замини наздиҳавлигӣ, захираи маводи ғизоӣ барои зимистонгузаронӣ, вусъати кишти тирамоҳӣ, густариши корҳои созандагиву бунёдкорӣ, оид ба пешгирии бемории сирояти нави коронавирус (COVID-19) мавриди муҳокимаронӣ қарор дода шуд.
      Дар охир муовини Сарвазири Ҷумҳурии Тоҷикистон оид ба супоришҳое, ки аз тарафи роҳбари давлат, ки санаи 15-уми декабри соли равон дар машварати корӣ дарҷ гардидааст, масъалабардорӣ карда, ба масъулин дастуру супоришҳои мушаххас дода шуд.
       Ҳамин аст, ки Пешвои миллат, Президенти мамлакат муҳтарам Эмомалӣ Раҳмон зимни вохӯриву мулоқот бо аҳли ҷомеа ва масъулони идораҳои замин, оққилона ва самаранок истифода бурдани заминро пайваста таъкид мекунанд.
 
                                                                                                                                                                                                              Орифҷон Олимзода
                                                                                                                                                                                                              мудири бахши Хадамоти
                                                                                                                                                                                                              муҳоҷират дар ноҳияи Варзоб
 
 

ГУРУҲИ КОРӢ ДАР ҶАМОАТИ ДЕҲОТИ ЗИДЕҲИ НОҲИЯИ ВАРЗОБ БО СОКИНОН КОРҲОИ ТАШВИҚОТИВУ ТАБЛИҒОТӢ ДОИР НАМУД

 
 
       Дар Ҷамоати деҳоти зидеҳи ноҳияи Варзоб бо сокинон бо усулҳои “Хона ба хона” ва “Рӯ ба рӯ” бо мақсади сарфакорона ва самараноки истифодабарии қувваи барқ, оқилона истифода бурдани замин, қоидаҳои истифодабарии санитарию эпидемиологӣ ва корҳои ободонию созандагӣ бахшида ба ҷашни 30-солагии Истиқлолияти давлатии Ҷумҳурии Тоҷикистон бо иштироки намояндаи Ҳукумати Ҷумҳурии Тоҷикистон, директори Агентии назорати маводи нашъаовари назди Президенти Ҷумҳурии Тоҷикистон, роҳбари гуруҳи корӣ дар ноҳияи Варзоб Воҳидзода Ҳабибулло Сайдулло, раиси ноҳияи Варзоб Шерализода Муҳамадулло Умар, прокурори ноҳия Илёсзода Хайриддин, сардори шуъбаи Вазорати корҳои дохилӣ дар ноҳия Саидзода Раҳматулло, сардори бахши Кумитаи ҳолатҳои фавқулодда ва мудофиаи гражданӣ дар ноҳия Суюнов Фирӯз, мудири бахши меъморӣ ва шаҳрсозии ноҳия Ёдгорзода Фирдавсӣ ва раиси Ҷамоати мазкур Муҳаммадов Амрулло доир гардид.
 
       Инчунин, аз рафти сохтмони иншоотҳои ҷашнӣ ва коргоҳи дӯзандагӣ дидан намуданд.
 
 
Орифҷон Олимзода
мудири бахши Хадамоти
муҳоҷират дар ноҳияи Варзоб