СИТОДИ КОРӢ БО МАҚСАДИ САЗОВОР ИСТИҚБОЛ ГИРИФТАНИ ҶАШНИ 30-СОЛАГИИ ИСТИҚЛОЛИЯТИ ДАВЛАТИИ ҶУМҲУРИИ ТОҶИКИСТОН ДАР НОҲИЯИ ВАРЗОБ
 
 
       Бахши Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар ноҳияи Варзоб иттилоъ медиҳад, ки санаи 19-уми декабри соли равон дар толори маҷлисгоҳи мақомоти иҷроияи ҳокимияти давлатии ноҳияи Варзоб Ситоди корӣ бо иштироки директори Агентии назорати маводи нашъаовари назди Президенти Ҷумҳурии Тоҷикистон, роҳбари гуруҳи корӣ бахшида ба ҷашни 30-солагии Истиқлолияти давлатии Ҷумҳурии Тоҷикистон дар ноҳияи Варзоб муҳтарам Воҳидзода Ҳабибулло ва раиси ноҳияи Варзоб муҳтарам Шерализода Муҳамадулло Умар баргузор гардид.
 
       Дар Ситоди корӣ роҳбарони мақомотҳои ҳифзи ҳуқуқи ноҳия, муовини якум, муовинони раиси ноҳия, Дастгоҳи раиси ноҳия, сардорони кумита, раёсатҳо, шуъбаҳо ва бахшҳои мақомоти иҷроия ва намояндагӣ, раисони ҷамоатҳои шаҳрак ва деҳоти ноҳия, фаолони Ҳизби Халқии Демократии Тоҷикистон дар ноҳия, Ташкилоти ҷамъиятии ҷавонон "Созандагони Ватан" дар ноҳия, раисони кумитаҳои маҳал, соҳибкорон ва вакилони ноҳиявию ҷамоатӣ иштирок намуданд.
 
       Сараввал раиси ноҳияи Варзоб муҳтарам Шерализода Муҳамадулло Умар тартиби гузаронидани Ситод-ро ба меҳмонон ва ҳозирин шинос намуда, баъдан суханро ба намояндаи Ҳукумати Ҷумҳурии Тоҷикистон, роҳбари гуруҳи корӣ, директори Агентии назорати маводи нашъаовари назди Президенти Ҷумҳурии Тоҷикистон муҳтарам Воҳидзода Ҳабибулло дода шуд.
 
       Баъдан муҳтарам Воҳидзода Ҳабибулло суханронӣ намуда, сипас миннатдории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро барои иштироки фаъолонаи сокинони ноҳияи зебоманзари Варзоб дар чорабиниҳои муҳими сиёсӣ бахусус интихоботи Президенти Ҷумҳурии Тоҷикистон расонида, иброз доштанд, ки сокинони бо нангу ори ноҳияи Варзоб ҳамчун шаҳрвандони бомасъулияти кишвар баҳри ҳимояи арзишҳои миллӣ ва ҳифзи дастовардҳои давлатдории миллии тоҷикон талош намуда, муҳимияти Истиқлолияти давлатӣ ва ваҳдату якдилиро хуб медонанд.   
 
       Сипас аз рӯи масъала дар хусуси иҷрои Нақшаи чорабиниҳои мақомоти иҷроияи ҳокимияти давлатии ноҳияи Варзоб оид ба корҳои ободониву бунёдкорӣ бахшида ба 30-солагии Истиқлолияти давлатии Ҷумҳурии Тоҷикистон муовини якуми раиси ноҳияи Варзоб Нозимзода Баҳриддин Раҳим баромад намуда, иброз доштанд, ки Амри Президенти Ҷумҳурии Тоҷикистон аз 22-юми майи соли 2018, №АП-1059 бо мақсади омодагӣ ба ҷашни 30-солагии Истиқлолияти давлатии Ҷумҳурии Тоҷикистон, инчунин дар баробари ин, қарори Ҳукумати Ҷумҳурии Тоҷикистон аз 31-уми октябри соли 2018, № 510 дар бораи Нақшаи чорабиниҳои ҷашни 30-солагии Истиқлолияти давлатии Ҷумҳурии Тоҷикистон дар мақомоти иҷроияи ҳокимияти давлатии ноҳияи Варзоб аз 14-уми ноябри соли 2018, № 418 таҳти иҷро ва роҳбарӣ қабул гардида, дар ин замина Нақшаи чорабиниҳои мақомоти иҷроия таҳия ва тасдиқ гардидааст.
 
       Ҳамчунин, Баҳриддин Нозимзода қайд намуданд, ки дар асоси нақшаи тасдиқгардида, роҳбарони зергуруҳҳои корӣ дар ҳамаи деҳаҳои ҳудуди ҷамоатҳои шаҳрак ва деҳоти ноҳия оғоз аз соли 2018 то инҷониб вохӯриҳо доир намуда, вобаста ба амалӣ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар сатҳи ободонӣ, бунёдкориҳо, бартараф намудани камбудиву монеагиҳое, ки дар ҳаёти иҷтимоии имрӯзаи аҳолии деҳот ҷой доранд ва ислоҳи онҳо давоми се сол то истиқболи ҷашни 30-солагии Истиқлолияти давлатии Ҷумҳурии Тоҷикистон корҳои фаҳмондадиҳиро роҳандозӣ намудаанд, ки барои тақвият бахшидани ин раванд, идома додани вохӯриҳо дар соли 2020 бо соҳибкорон ва аҳли ҷамоатчигӣ роҳбарони зергуруҳҳои корӣ аз ҷониби раиси ноҳияи Варзоб вазифадор карда шуда, корҳо дар ин самт идома дорад.
 
       Инчунин, Шамсиддин Маҳкамов раиси собиқадорони ҷанг ва меҳнати ноҳия, Дониёр Сангинов раиси гуруҳи вакилони Маҷлиси вакилони халқ дар назди КИ ҲХДТ дар ноҳияи Варзоб суханронӣ намуданд.
 
       Дар охири Ситоди корӣ аз ҷониби раиси ноҳияи Варзоб Шерализода Муҳамадулло Умар дар якҷоягӣ бо директори Агентии назорати маводи нашъаовари назди Президенти Ҷумҳурии Тоҷикистон Воҳидзода Ҳабибулло ба иштирокчиёни озмуни ҷумҳуриявии "Фурӯғи субҳи доноӣ китоб аст", ки дар ҷумҳурӣ ҷои ифтихориро сазовор гардиданд аз номи мақомоти иҷроияи ҳокимияти давлатии ноҳияи Варзоб ба Тайибзода Дилафрӯз хонандаи синфи 11-уми муассисаи таҳсилоти миёнаи умумии рақами 21-и Ҷамоати деҳоти Зидеҳи ноҳия дар номинатсияи аз ёд кардану хондани осори адибони классикии тоҷик ва Хайруллоева Гурдофарид хонандаи синфи 1-уми муассисаи таҳсилоти миёнаи умумии рақами 17-и Ҷамоати деҳоти Деҳмалики ноҳияи Варзоб дар номинатсияи аз ёд кардану хондани ашъори бачагона ва афсонаҳои халқи тоҷик бо сипоснома ва тӯфаҳои хотиравӣ қадрдонӣ карда шуданд. 
 
 
Орифҷон Олимзода
мудири бахши Хадамоти
муҳоҷират дар ноҳияи Варзоб

ДАР НОҲИЯИ ВАРЗОБ ҶАЛАСАИ ГУРУҲИ КОРИИ НОҲИЯВӢ ОИД БА ТАТБИҚИ СТРАТЕГИЯИ МИЛЛИИ ҶУМҲУРИИ ТОҶИКИСТОН ОИД БА МУҚОВИМАТ БА ЭКСТРЕМИЗМ ВА ТЕРРОРИЗМ БАРОИ СОЛҲОИ 2016-2020

 
       Бахши Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар ноҳияи Варзоб иттилоъ медиҳад, ки санаи 14-уми декабри соли равон дар толори маҷлисгоҳи мақомоти иҷроияи ҳокимияти давлатии ноҳияи Варзоб ҷаласаи гуруҳи кории ноҳиявӣ оид ба татбиқи Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020 бо иштироки муовини раиси ноҳияи Варзоб муҳтарам Маҳтоб Қосимзода баргузор гардид.
       Дар ҷаласаи мазкур сардорони раёсат, шуъба, бахш ва раисони ҷамоатҳои шаҳрак ва деҳоти ноҳия иштирок намуданд.
       Сараввал муовини раиси ноҳияи Варзоб муҳтарам Маҳтоб Қосимзода рӯзномаи маҷлисро ба аъзои гуруҳи корӣ шинос намуда, баъдан иброз намуданд, ки бо дарназардошти онки қишри зиёди ҷомеаи моро ҷавонон ташкил медиҳанд, аксари падидаҳои номатлуб ва таҳиягарони онҳо кӯшиш мекунанд, ки ба мафкураи қишри ҷавони ҷомеа таъсир расонида, қувваи бузурги онҳоро барои ҳадафҳои ғаразноки хеш истифода намоянд. Ҳамчунин қайд намуданд, ки ҷавонон ва сафарбар намудани қувваи бузурги онҳо ба корҳои ҷамъиятӣ ва созандагию бунёдкорӣ яке аз самтҳое ба ҳисоб меравад, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон иқдому пешниҳодоти ин табақаи фаъолу созандаро пайваста дастгирӣ намуда, ба онҳо таваҷҷуҳи хоса зоҳир менамоянд.
       Сипас аз рӯи масъалаи якуми рӯзнома иҷрои параграфи 8-и Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020 (кор бо муҳоҷирони меҳнатӣ) мудири бахши Хадамоти муҳоҷират дар ноҳияи Варзоб Орифҷон Олимзода баромад намуда, дар баромади худ қайд намуд, ки ҷиҳати пешгири шомилшавии ҷавонон, занон ба гуруҳҳои ифротӣ дар вохӯриҳои доиршуда ба ҷавонон, муҳоҷирони меҳнатӣ ва волидайни онҳо ҷиҳати доштани эҳтиром ва арҷгузорӣ ба сунатҳову арзишҳои миллӣ, аз байн бурдани пӯшидани сару-либоси ба фарҳанги миллати тоҷик бегона, дарки масъулият дар тарбияи фарзанд, дар муҳоҷират бовар накардан ба ваъдаҳои холии гуруҳҳои даъваткунанда байни аҳолии ноҳия корҳои таблиғотиву ташвиқотӣ бурда мешавад. 
       Инчунин, иброз намуд, ки шаҳрвандони ноҳияи Варзоб пеш аз сафар ба хориҷа ба бахши Хадамоти муҳоҷират дар ноҳия муроҷиат намуда, оид ба қонунгузории давлати қабулкунанда ва хатарҳои терорристю экстремистӣ машварат гиранд.
       Баъдан аз рӯи масъалаи дуюми рӯзнома иҷрои банди 5-и Нақшаи амал доир ба амалишавии Стратегияи мазкур (огоҳонӣ аз экстремизм ва тундгароии батерроризмбаранда дар байни ноболиғон ва ҷавонон) мудири бахши кор бо ҷавонон ва варзиши ноҳия Ҷамолидин Оев баромад карда, иброз намуд, ки бо мақсади пешгирии дастзадани наврасону ҷавонон ба амалҳои номатлуб ва ҷалби бештари онҳо ба варзиш дар қаламрави ноҳия толору майдончаҳои варзишӣ сохта ба истифода дода шуд, ки наврасону ҷавонон ба варзиш машғул шаванд.
       Ҳамчунин аз рӯи масъалаи дуюми рӯзномаи мазкур мутахассиси пешбари шуъбаи аттестатсионии раёсати маорифи мақомоти иҷроияи ҳокимияти давлатии ноҳияи Варзоб Хуршед Ниёзов суханронӣ намуда қайд намуд, ки барои даст назадани ҷавонону наврасон ба ин амали номатлуб дар тамоми муассисаҳои таълимии ҳудуди ноҳия маҳфилҳои шоҳмот, дарсҳои кушод ва маҳфилҳои фаннӣ ташкил карда шуд. Инчунин, байни хонандагон иншои беҳтарин дар мавзуъҳои "Терроризм ва экстремизм вабои аср", "Терроризм-хатари ба ҷомеъаи ҷаҳонӣ ва роҳҳои пешгирии он", "Шомилшавии ҷавонон ба гуруҳҳои террористию экстремистӣ" ва ғайра гузаронида шудааст, ки барои боз ҳам баланд бардоштани ҳисси миллии ҷавонон нақши созгор хоҳад бозид.
       Дар охири ҷаласа аз тарафи муовини раиси ноҳияи Варзоб муҳтарам Маҳтоб Қосимзода ба аъзои гуруҳи корӣ супоришҳои мушаххас дода шуд.
 
Орифҷон Олимзода
мудири бахши Хадамоти
муҳоҷират, дар ноҳияи Варзоб
 

   Маҷлиси васеи Шӯрои ҳамоҳангсозии мақомоти ҳифзи ҳуқуқ

   27-уми ноябри соли 2020 маҷлиси васеи Шӯрои ҳамоҳангсозии мақомоти ҳифзи ҳуқуқи ноҳияи Варзоб баргузор гардид, ки дар он  “Натиҷаи таҳлилу ҷамъбасти амалияи таҷрибаи тафтишоти судӣ оид ба парвандаҳои ҷиноятӣ марбут ба дуздӣ дар давраи соли 2019 ва 9 моҳи соли 2020”  баррасӣ карда шуд.  Дар кори шӯро раиси Шӯрои ҳамоҳангсозӣ сардори прокуротураи ноҳия Хайриддин Илёсзода, раиси ноҳияи Варзоб Шерализода Муҳамадулло Умар, сардори ШВКД-и ноҳия полковники милитсия Раҳматулло Саидзода, сардори шуъбаи кумитаи давлатии амнияти миллӣ дар ноҳияи Варзоб Саидҷон Акобиров ва дигар аъзоёни шӯро ширкат намуданд. Дар кори шӯро ахбороти муфаттиши прокуратураи ноҳияи Варзоб, мушовири адлияи дараҷаи 2 Эмомиддин Муродзода ва сардори шуъбачаи кофтуковӣ- ҷиноятии ШВКД дар ноҳияи Варзоб майёри милитсия Султон Султонзода оиди масъалаи зикршуда шунида шуд.

   Эмомиддин Муродзода аз ҷумла зимни баромади хеш иброз намуд, ки   дар ҳудуди дар 9 моҳи соли 2020 15 (9 моҳи  соли 2019-19) ҷиноятӣ дуздӣ ба қайд гирифта шудааст, ки дар 9 моҳи соли 2020 назар ба ҳамин давраи соли 2019 4 ҷиноятӣ дуздӣ кам ба қайд гирифта шудааст.

   Фоизи кушодашавии  ҷиноятҳо дар 9  моҳи соли 2020 58,3 фоизро ташкил медиҳад.

   Аз 44 (29-15) ҷиноятӣ дуздии ба қайд гирифта шуда 36 (2019-20, 2020-16)  парвандаи ҷиноятӣ оғоз ва мавриди тафтиши пешакӣ қарор гирифтааст. 

         Аз инҳо, 16 (2019-10, 2020-6) парвандаи ҷиноятӣ баъди ба итмом расидани тафтиши пешакӣ барои моҳиятан дида баромадан ба суд ирсол гардида, 2 (2019-2) парвандаи ҷиноятӣ бо тадбиқи қонуни Ҷумҳурии Тоҷикистон «Дар бораи авф» қатъ ва 18 (2019-8, 2020-10) парвандаи ҷиноятӣ дар истеҳсолот боздошта шудааст.

 Таҳлилу омўзиши парвандаҳои ҷиноятӣ нишон дод, ки сабабҳои содиршавии ҷинояти дуздӣ ин паст будани дониши ҳуқуқии шаҳрвандон ва дар рўҳияи меҳнатдўстӣ, хештаншиносӣ ва инсонпарварӣ тарбия наёфтани онҳо мебошад. 

 Дар давраи таҳлилӣ  аз ҷониби нозирони минтақави 3 ҳолати ҷинояти дуздӣ ошкор ва ба қайд гузошта шуд. То  ҳол дар ҳудуди ҷамоатҳои Варзобқалъа,  Чорбоғ ва С.Айнӣ ҷиноятҳои дуздии нокушода зиёданд.

   Дар давраи таҳлилӣ аз ҷониби шахсони пеш ҷиноят содирнамуда дар ҳолати ритсидив 1 ҷиноятӣ дуздӣ ба қайд гирифта шудааст.

   Заминаи дигари ба ҷиноятҳои дуздӣ даст задани шаҳрвандон ин  бо ҷои кори доимӣ таъмин набудан, паст будани сатҳи зиндагии онҳо мебошад, ки дар ин ҷода фаъолияти мақомоти маҳаллии ҳокимияти давлатии ноҳия, ҷамоатҳои шаҳраку деҳот дар сатҳи зарурӣ ба роҳ монда нашудааст.

   Дар навбати худ, фаъолияти мақомоти марбутаи давлатӣ низ, ҷиҳати пешгирӣ ва бартараф намудани қонунвайронкуниҳо чандон ҷавобгўи талабот нест.

Ё худ, ноболиғ О.А.С. 31 декабри соли 2003 таваллудаш моҳи феврали соли 2019, ки таърихи рўзаш дар рафти тафтишоти пешакӣ муайян карда нашуд, бо роҳи пинҳони вориди ҳуҷраи истиқоматии шаҳрванд С.А. гардида аз онҳо бо тариқи пинҳони 2500 сомонӣ маблағи пулиро тасарруф намуда, аз ҷои ҳодиса ғайб задааст.

   Аз ҷониби шахсони масъули ШВКД дар ноҳия бошад ҷинояти мазкур саривақт ошкор ва бақайд гирифта нашудааст, ин боиси он гардидааст, ки ноболиғ О.А.С. дар озодӣ беҷазо монда, боз даст ба содир намудани ҷиноятӣ махсусан вазнин задааст.

   Чунончи, ноболиғ О.А.С. 17 апрели соли 2020 тахминан соати 1530 дақиқа дар ҳудуди деҳаи Якачашма, ҷамоати деҳоти С.Айнии ноҳияи Варзоб бо ҳамдеҳааш хурдсол С.И.А. 25 сентябри соли 2011 таваллудаш вохӯрда бо номбурда бо роҳи зӯроварӣ ҳаракатҳои дорои хусусияти шаҳвонӣ содир кардааст.

   Тафтиши пешакӣ бо парвандаи ҷиноятӣ бо айбдории ноболиғ О.А.С. бо моддаҳои 244 қисми 2 бандҳои “в,г” ва 139 қисми 4 банди “а” КҶ Ҷумҳурии Тоҷикистон ба итмом расонида шуда, бо тасдиқи фикри айбдоркунӣ ба суд ирсол карда шуд ва нисбати нобурда ҷазои сазовор таъйин гардид.

   Бояд қайд намуд, ки дар ин ҷода баҳри пешгирии ҷинояткории марбут ба дуздӣ дастгирии ҳаматарафаи шаҳрвандон низ мавқеи махсус дорад, зеро амният ва оромии кишвар ба ҷамдастии давлату ҷомеа сахт марбут аст.

   Таҳлил ва санҷиши гузаронида шуда нишон дод, ки дар ин давра аз ҷониби муфаттишони ГТ ШВКД дар ноҳия 36 парвандаи  ҷиноятӣ марбут ба дуздӣ оғоз ва мавриди тафтиш қарор дода шудааст, ки аз ин шумора 17  ҷинояти дуздӣ дар ҳудуди ҷамоати деҳоти Чорбоғ, 10 ҷиноят дар худуди ҷамоати деҳоти С.Айнӣ ва 9 ҷиноят дар ҳудуди ҷамоати деҳоти Варзоб-Қалъа содир ва ба қайд гирифта шудааст.

   Лозим ба ёдоварист, ки бекорӣ ё надоштани ҷои кори доимӣ низ, яке аз омилҳои асосии сар задани қонунвайронкуниҳо мебошад. Мутаассифона, иҷрои ин талабот низ дар сатҳи лозима таъмин карда нашуда, чораҳои андешидаи шуъбаи агентии меҳнат ва шуғли аҳолӣ дар ноњия дар ин самт нокифоя буда, аз мутасаддиён дигар намудани муносибатро нисбати иҷрои вазифаҳои хизматӣ талаб менамояд. Ҳамчунин Султон Султонзода корманди ШВКД-и ноҳия оиди сабабҳои ба дуздӣ даст задани ҷавонон ва роҳҳои пешгирии он, масъулияти волидайн дар тарбияи фарзандон ва саҳми ҷомеа барои раҳоӣ аз чунин амалҳо ибрози назар намуд.

Оқибати хиёнат марг аст

  Хиёнат дар ҳамаи кору кирдор амали номатлуб ва бар зидди  қонуни ислом аст. Аммо хиёнат ба  ватану миллат ва давлат гуноҳи азимест, ки нобахшиданӣ.

  Миллати бо фарҳангу бо нангу номуси тоҷик  бандагони худоро ба адолату садоқат, муҳаббату  рафоқат, хайрхоҳию дастгирӣ,   дӯстдоштану ҳимояи марзу буми ватан ва инчунин ба дигар амалҳои  хайрхоҳона  ҳидоят намуда, аз кирдорҳои зиддиинсонӣ аз ҷумла, қатлу ғорат,  зулму  ситам,  фитнаву  тафриқа  ва  аз дигар рафторҳои  разилона  манъ медорад. Аммо мутаассифона, хоинону исломгароёни Ҳизби  наҳзати исломи Тоҷикстон, аз ҷумла  Муҳиддин Кабирӣ бо ҳаммаслаконаш ба амалҳои зидди исломию  мардумфиребиашон шариати муҳаммадиро  доғдор ва бадном  намуда,  аз  дурӣ   бо ҳаргуна  суханҳои   беасосу зишту дурушт  ба абармардоне , ки  барои ободии ин кишвар ва ояндаи дурахшони  Тоҷикистони азиз хизмат намудаанд,  бӯҳтонҳои беасос мезананд. Хушбахтона, ҳамаи он фикру ақида, мақсадҳои  нопоку,  зидди мазҳабиашон (Ҳанафи), ки хилофи урфу одати  миллии тоҷикон буд,  ҷомаи  амал напӯшид.

  Паёмбари Худо фармудаанд « Ман ғашша фалайса минний» шахси хиёнаткор  уммати ман нест».Назҳатиҳои  хиёнаткор  солҳои дароз (ин мардуми ватандӯст ва ҳамақидаи тоҷикро , ки пайрави қуръону суннату мазҳаби ҳанафианд бо роҳи фиребу дурӯғ бурдан мехостанд, аммо мақсади  нопокашон  ба сари қудрат омадану соҳиби курсии мансабу қудрат шудан буд.

  Филми хитёнат, ки  аз ҳамаи шабакаҳои телевизиионӣ  ба мардуми  кишвар нишон дода шуд, як далели  возеҳу  равшан аз  хиёнат ва зулму ситами ҲНИТ аст. Худованд  пок аст ва  покизакоронро дӯст медорад.   Ҳар амали нек агар аз рӯи риё анҷом дода  шавад хоҳ намоз бошад, хоҳ рӯза,  хоҳ садақа  ва ғайраҳо қобили қабули парвардигор нест, чунки ин амал  намоиш аст.

  Расулуллоҳ дар ин маврид фармуда аст. «Ҳар касро намози худ аз фаҳш  ва мункар (корҳои бад ба мисли хиёнат ба ватану миллат ва зулму ситам ба мардуми  бегуноҳ ва резондани хун ва таҷовуз ба номуси занону духтарон) боз надошт,бо он намоз ҷуз дурӣ аз Худованд чизи дигар наяфзудааст».

 Дар назди Худованди  доно ва олим некӯкор-  яъне  мусулмон касе  мебошад, ки  дар ин дунё худ аз пайи  иҷрои кори хайру савоб аст ва дигаронро низ ба кори  хайру савоб ташвиқу тарғиб мекунад. Аммо мутаассифона хоинони  Ҳизби наҳзати исломи Тоҷикистон бо кору  кирдорашон  хилофи фармудаи Худо ва расулаш буда, боз худро  мусулмон мехонанд. Барои ҳамин   мо барои  ояндаи худ ва барои  ояндаи миллати тоҷик ба донишомӯзӣ ва корҳои хуб (хайру савоб, ободу  ободкорӣ ва дигар корҳои нак) саъю кӯшиш намоем. Бояд фаромӯш накунем, ки Худованд муздро  ба он шахсоне ваъда кардааст, ки  дар зиндагии худ накӯкоранд ва мардумро  ба иттифоқию дӯстӣ, илму дониш, дӯст доштани ватан, қалби пок, ақидаи соф ва ба дигар корҳои хайру савоб ҳидоят менамоянд. Аммо ногуфта намонад, ки  ин хоинони азҳатӣ дар ин дунё шармандаву дар охират дар назди Худо ба амалҳои мардумфиребиашон  рӯсиёҳ ҳастанд. Ба доми фиреб даровардани он афсарони шастнафара, ки  баъдан бо тариқи ваҳшоният ба қатл расонида шуданд, бинанда ва шунавандаро  ба хашму ғазаб ва нафрат меорад. Худованд фармудааст «Валлоҳу ло яҳдийл қавмаззолимийн» (Худованд  раҳнамоӣ намекунад ситамгоронро). Яъне ҳеҷ шахсе золимтар ва бе диёнатар аз он касоне нестанд, ки  Аллоҳ таъоло ба забони  набияш онҳоро  ба ростию адолат ва  росту дуруст нигоҳдоштани  амонат даъват мекунад, яъне  ҷони банда  болои банда  амонат аст. Дӯст доштани ватан,  ободу ободкорӣ   дур намудани фитнаву тафриқа аз байни мардум аз қабили амалҳои неканд, аммо онҳо пайваста дар пайи зулму ситам ва қатлу ғорат буданд.Чунин шахсон  маҳз фоҷиру золиму фосиқон ҳастанд  ва Худованд онҳоро ҳаргиз ҳидоят намекунад.

Шералӣ Миралиев,

имомхатиби масҷиди ҷомеи

маркази н. Варзоб ба номи

Муҳаммад Ибни Абдуллоҳ (с),

узви ҲХДТ